الیکشن کمیشن کی جانب سے عام انتخابات 2024 کے لیے تعینات ڈسٹرکٹ ریٹرننگ آفیسرز اور ریٹرننگ آفیسرز کی فوری جامع تربیت کا بدھ سے آغاز کررہی ہے، اس ضمن میں الیکشن کمیشن نے ٹریننگ کے تمام انتظامات مکمل کرلیے ہیں۔
ترجمان الیکشن کمیشن کے مطابق الیکشن کمیشن کے سینئرآفیسرز تمام ڈسٹرکٹ ریٹرننگ اور ریٹرننگ افسروں کو ٹریننگ دیں گے، ان افسروں کو انتخابی عمل، انتخابی قوانین اور انتخابات سے متعلق دیگر انتظامی امور پر ٹریننگ دی جائے گی۔
142 ڈسٹرکٹ ریٹرننگ افسروں کو چاروں صوبائی ہیڈ کواٹرز میں 16 دسمبر کو ایک روزہ ٹریننگ کا انتظام کیا گیا ہے، جس میں پنجاب کے 40، خیبر پختونخوا 36 ،بلوچستان کے 36 اور سندھ کے 30 ڈسٹرکٹ ریٹرننگ افسران شامل ہیں، ریٹرننگ افسران کو ڈویژنل سطح پر دو روزہ انتخابی ٹریننگ دی جائے گی، جو 13 سے 15 دسمبر تک جاری رہےگی۔
’ان میں پنجاب کے 441 ریٹرننگ آفیسرز ، خیبر پختونخوا کے 160 ریٹرننگ آفیسرز، سندھ کے 191 اور بلوچستان کے 67 ریٹرننگ آفیسرز شامل ہیں، مجموعی طور پر 859 ریٹرننگ افسران تربیت حاصل کریں گے۔‘