جمعیت علما اسلام پاکستان کے سربراہ مولانا فضل الرحمان سے پاکستان میں تعینات افغانستان کے سفیر سردار احمد جان شکیب نے ملاقات کی ہے۔
ترجمان جے یو آئی اسلم غوری نے بتایا کہ افغانستان کے عبوری سفیر نے مولانا فضل الرحمان کو افغان حکومت کا خصوصی پیغام پہنچایا۔ اور جے یو آئی سربراہ کو دورہ افغانستان کی دعوت دی۔
اسلم غوری کے مطابق دونوں رہنماؤں کی خطے سمیت پاک افغان تعلقات پر گفتگو ہوئی۔ دونوں ملکوں کے درمیان بہتر تعلقات خطے میں امن کی ضمانت ہیں۔
ترجمان نے بتایا کہ ملاقات کے موقع پر سابق ایم این اے مولانا صلاح الدین ایوبی بھی موجود تھے۔
