چیف آف آرمی اسٹاف جنرل عاصم منیر اور کمانڈر یو ایس سینٹرل کمانڈ جنرل مائیکل ایرک کوریلا کے درمیان ملاقات ہوئی جس کے دوران باہمی دلچسپی کے امور پر تبادلہ خیال کیا گیا ہے۔
پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل عاصم منیر اور کمانڈر امریکی سینٹرل کمانڈ جنرل مائیکل ایرک کے درمیان ملاقات میں خطے کی سیکیورٹی صورت حال کے حوالے سے باہمی تعاون پر بھی گفتگو کی گئی۔
ترجمان پاک فوج کے مطابق سینٹ کام اور پاک فوج کےدرمیان دفاعی تربیت، رابطے بڑھانےکا بھی جائزہ لیا گیا۔ اس موقع پر آرمی چیف نے سینٹ کام جوائنٹ آپریشنز سینٹر کا بھی دورہ کیا۔
