پاکستان پیپلزپارٹی (پی پی پی) کے مرکزی رہنما ندیم افضل چن نے کہا ہے کہ اگر صاف اور شفاف الیکشن ہوئے تو پیپلز پارٹی پنجاب میں سرپرائز دے گی۔
صحافیوں سے گفتگو کرتے ہوئے ندیم افضل چن نے کہاکہ پیپلز پارٹی سلیکشن کے بجائے صاف و شفاف الیکشن چاہتی ہے، جو سرکاری لاڈلا بننے کی کوشش کر رہا ہے اس کو عوامی لاڈلا بننا چاہیے۔
عام انتخابات: پنجاب سے پیپلزپارٹی کے امیدوار کون ہوں گے؟ نام بلاول بھٹو کو پیش
انہوں نے کہاکہ پیپلز پارٹی پہلے بھی سب پارٹیوں کو ساتھ لے کر چلی تھی جس میں 18ویں ترمیم اور عوامی فلاح کے منصوبے تھے اب بھی ایسا ہی ہوگا۔
ندیم افضل چن نے کہاکہ پیپلز پارٹی ایسی اتحادی حکومت نہیں چاہتی جس میں اپنے کیس ختم کروا لیے جائیں اور عوام جائے بھاڑ میں۔ ہم تمام سیاسی جماعتوں کے لیے لیول پلیئنگ فیلڈ کا مطالبہ کرتے ہیں۔
انہوں نے کہاکہ سرفراز بگٹی جب سینیٹر تھے تب بھی پیپلز پارٹی میں شمولیت کی دعوت دی تھی، اس کے علاوہ انوارالحق کاکڑ کو بھی پیپلزپارٹی میں شمولیت کا کہا تھا۔
