ملک میں یوریا کی قلت دور کرنے کے لیے 50 ہزار ٹن امپورٹڈ یوریا سے لدا جہاز کراچی کی بندرگاہ پہنچ گیا۔
امپورٹڈ یوریا پہنچتے ہی مارکیٹ میں یوریا کے ریٹ نیچے انا شروع ہوگئے جبکہ یوریا کا دوسرا جہاز 29 دسمبر کو کراچی پہنچ جائے گا۔ توقع ہے کہ20 جنوری سے پہلے تمام جہاز کراچی پورٹ پہنچ جائیں گے۔
مجموعی طور پر 2 لاکھ 20 ہزار ٹن یوریا درآمد کی جائے گی جس کی اجازت ای سی سی نے گزشتہ ماہ دی تھی جبکہ بین الحکومتی معاہدے کے تحت منگوائی گئی ہے۔
یاد رہے کہ مارکیٹ میں یوریا کی کمی کو جواز بنا کر بلیک مارکیٹنگ مافیا نے قیمتوں کو آسمان تک پہنچا دیا تھا تاہم اب امپورٹڈ یوریا آنے سے یہ وافر مقدار میں کسانوں کے مل سکے گی۔