پاکستان تحریک انصاف (پی ٹی آئی) کے بانی چئیرمین عمران خان سے جیل میں ان کے کاغذات نامزدگی پر دستخط کروانے کے لیے جانے والے وکیل لاپتا ہوگئے جبکہ پی ٹی آئی کے مطابق اب تک پنجاب کے مختلف حصوں میں آئندہ انتخابات میں حصہ لینے کے لیے کاغذات جمع کروانے والے متعدد امیدواروں کو یا تو گرفتار کرلیا گیا ہے یا پھر آر اوز دفاتر کے باہر ان کے ڈاکیومینٹس پھاڑ دیے گئے۔
ایڈوکیٹ رائے محمد علی جمعرات کو اڈیالہ جیل گئے جہاں انہوں نے عمران خان سے کاغذات نامزدگی پر دستخط کروائے تاہم اس کے بعد وہ جیل کی حدود سے باہر نہیں آئے۔
خیال کیا جا رہا ہے کہ محمد علی کو جیل کے اندر سے ہی غائب کر دیا گیا ہے جبکہ جیل کے باہر رائے محمد علی انتظار میں کھڑے وکلا کے استفسار پر لاعلمی کا اظہار کیا جا رہا ہے۔
پی ٹی آئی کا کہنا ہے کہ موجودہ سیٹ اپ کے تناظر میں پاکستان ’بنانا ریپبلک‘ سے بھی دو ہاتھ آگے نکل گیا ہے۔
آج عمران خان کے میانوالی NA 89 اور لاہور NA 122 سے کاغذات نامزدگی لیکر میں عمر بودلہ، رائے محمد علی اور خلاق چٹھہ اڈیالہ جیل آئے تھے، رائے محمد علی دوپہر 2 بجے جیل گئے، ہمیں اندر جانے نہیں دیا گیا، دوپہر 2 بجے کے اندر گئے رائے علی ابھی تک واپس نہیں آئے، جیل انتظامیہ کہہ رہی رائے… pic.twitter.com/HUNnT39Rt2
— Zeeshan (@zeeshanimranpti) December 21, 2023
پی ٹی آئی نے بتایا کہ آج عمران خان کے میانوالی NA 89 اور لاہور NA 122 سے کاغذات نامزدگی لیکر میں عمر بودلہ، رائے محمد علی اور اخلاق چٹھہ اڈیالہ جیل آئے تھے۔ رائے محمد علی دوپہر 2 بجے جیل گئے جبکہ دیگر کو اندر جانے نہیں دیا گیا۔
مزید پڑھیں
تقریباً شام 6 بجے ایکس پر اپنے پیغام میں بتایا گیا کہ دوپہر 2 بجے کے اندر گئے رائے علی ابھی تک واپس نہیں آئے۔ جیل انتظامیہ کہہ رہی ہے کہ رائے علی چلے گئے لیکن دیگر وکلا تب سے گیٹ پر کھڑے ہیں۔ رائے علی باہر نہیں آئے۔ اسی دوران عمیر نیازی، شیر افضل مروت، عمران خان سے ملنے جیل گئے لیکن ان کا کہنا تھا کہ انہوں نے رائے علی کو اندر نہیں دیکھا۔
وکیل عمر بودلہ کا کہنا ہے کہ ’یہ کیسے الیکشن ہو رہے ہیں کہ ملک کی سب سے بڑی جماعت کے بانی چیئرمین کے نہ کاغذات مل رہے ہیں نہ وکیل مل رہا ہے‘۔
چکوال حلقہ پی پی 22 کاغذات نامزدگی جمع کراتے ہوے تحریک انصاف کے ملک اختر شہباز ریٹرنگ آفس سے گرفتار ہوگئے- کیا چیف جسٹس صاحب اور ECP اس پر نوٹس لیں گے؟#RiggingAgainstPTI pic.twitter.com/6Nrj0n9042
— PTI (@PTIofficial) December 21, 2023
دریں اثنا ایکس پر اپنے پیغام میں پی ٹی آئی نے بتایا کہ چکوال حلقہ پی پی 22 کاغذات نامزدگی جمع کراتے ہوے تحریک انصاف کے ملک اختر شہباز ریٹرنگ آفس سے گرفتار ہوگئے- ٹوئٹ میں استفسار کیا گیا کہ کیا چیف جسٹس صاحب اور الیکشن کمیشن اس پر نوٹس لیں گے؟
وزیر آباد: رہنما تحریک انصاف محمد احمد چٹھہ کے کاغذاتِ نامزدگی چھین لیے گئے- کیا چیف جسٹس صاحب اور ECP اس پر نوٹس لیں گے؟#RiggingAgainstPTI
pic.twitter.com/da9NWSi2d1— PTI (@PTIofficial) December 21, 2023
پارٹی کے مطابق وزیر آباد میں رہنما تحریک انصاف محمد احمد چٹھہ کے کاغذاتِ نامزدگی چھین لیے گئے-
سیالکوٹ: ریٹرننگ افسر کے حکم پر پولیس نے کاغذات نامزدگی جمع کروانے پہنچنے والے PTI کے سابق ٹکٹ ہولڈر چوہدری منور علی گل کے بیٹے حیدر علی گل کو RO کے دفتر سے گرفتار کر لیا- کیا چیف جسٹس صاحب اور ECP اس پر نوٹس لیں گے؟#RiggingAgainstPTI
— PTI (@PTIofficial) December 21, 2023
سیالکوٹ میں ریٹرننگ افسر کے حکم پر پولیس نے کاغذات نامزدگی جمع کروانے پہنچنے والے پی ٹی آئی کے سابق ٹکٹ ہولڈر چوہدری منور علی گل کے بیٹے حیدر علی گل کو آر او کے دفتر سے گرفتار کر لیا-
وہاڑی: ریٹرننگ افسر وہاڑی کے حکم پر حلقہ PP234 کے امیدوار زاھد اقبال چوہدری کے کاغذاتِ نامزدگی جمع کروانے کے لیے جانے والے حماد رضا جٹ ایڈووکیٹ کو پولیس نے گرفتار کر لیا
پولیس زاھد اقبال چوہدری کے کاغذات نامزدگی کی فائل بھی ساتھ لے گئی۔ کیا چیف جسٹس صاحب اور ECP اس پر نوٹس لیں… pic.twitter.com/dEX7uaR7DG— PTI (@PTIofficial) December 21, 2023
پی ٹی آئی نے اپنے ایکس پیغام میں یہ بھی بتایا کہ وہاڑی میں مبینہ طور پر ریٹرننگ افسر کے حکم پر حلقہ 234 کے امیدوار زاہد اقبال چوہدری کے کاغذاتِ نامزدگی جمع کروانے کے لیے جانے والے حماد رضا جٹ ایڈووکیٹ کو پولیس نے گرفتار کر لیا۔ جبکہ پولیس زاہد اقبال چوہدری کے کاغذات نامزدگی کی فائل بھی ساتھ لے گئی۔
گجرانوالہ PP 62 سے پاکستان تحریک انصاف کے چوہدری محمد علی کے کاغذات نامزدگی کو آر او آفس کے باہر وکلاء سے لیکر پھاڑ دیا گیا-
کیا چیف جسٹس صاحب اور ECP اس پر نوٹس لیں گے؟#RiggingAgainstPTI
— PTI (@PTIofficial) December 21, 2023
گجرانوالہ پی پی 62 سے پاکستان تحریک انصاف کے چوہدری محمد علی کے کاغذات نامزدگی کو آر او آفس کے باہر وکلا سے لے کر پھاڑ دیا گیا-
سابق سپیکر قومی اسمبلی اسد قیصر @AsadQaiserPTI کا سخت حالات میں جوان مردی سے مقابلہ کرنے پر کارکنان کو خراج تحسین pic.twitter.com/9LqK7c9a3P
— PTI (@PTIofficial) December 21, 2023
دریں اثنا سوشل میڈیا پر اپنے ایک پیغام میں پی ٹی آئی رہنما اور سابق اسپیکر قومی اسمبلی اسد قیصرنے موجودہ صورتحال کا مقابلہ کرنے پر کارکنان کو خراج تحسین پیش کیا ہے۔
کاغذات نامزدگی جمع کرانے کا سلسلہ جمعہ کو مکمل ہو گا
واضح رہے کہ ملک میں عام انتخابات 2024ء کے لیے امیدواروں کی جانب سے کاغذات نامزدگی جمع کرانے کا بدھ سے شروع ہونے والا سلسلہ جمعے کو مکمل ہوگا۔
ملک میں عام انتخابات کے حوالے سے انتخابی گہما گہمی شروع ہو چکی ہے اور امیدواروں کی جانب سے کاغذات نامزدگی جمع کرانے کا سلسلہ جاری ہے جبکہ الیکشن کمیشن کی جانب سے انتخابی ضابطہ اخلاق بھی جاری کر دیا گیا ہے۔
امیدواروں کی نظرثانی شدہ فہرست 11 جنوری کو جاری کی جائے گی۔ کاغذات نامزدگی 12 جنوری کو واپس لیے جا سکیں گے جبکہ اسی روز امیدواروں کی نظرثانی شدہ فہرست جاری کی جائے گی۔ امیدواروں کو انتخابی نشانات کی الاٹمنٹ 13 جنوری کو کی جائے گی جبکہ پولنگ 8 فروری کو ہو گی۔
دوسرا روز
کاغذات نامزدگی جمع کرانے کے دوسرے روز جمعرات کو 150 سے زائد امیدواروں نے کاغذات نامزدگی حاصل کرلیے۔
میڈیا رپورٹس کے مطابق لاہور سےعام انتخابات میں حصہ لینے کے لیے مسلم لیگ ن کی تہمینہ دولتانہ، صبا صادق اورعظمیٰ کاردار نے مخصوص نشستوں پر کاغذات نامزدگی جمع کروائے۔
پی ٹی آئی رہنما ڈاکٹر یاسمین راشد نے جنرل اور مخصوص نشست کے لیے کاغذات نامزدگی جمع کروائے ہیں۔ لیگی رہنما مہر اشتیاق، مرزا جاوید، استحکام پاکستان پارٹی کے شعیب صدیقی سمیت دیگر نے کاعذات نامزدگی جمع کروائے جبکہ سلمان اکرم راجہ، لطیف کھوسہ، سابق صوبائی وزیر عبدالغفور، جماعت اسلامی کے لیاقت بلوچ اور آئی پی پی کے مراد راس نے اپنے اپنے حلقوں سے کاغذات نامزدگی حاصل کیے۔
