آسٹریلین کرکٹ بورڈ نے بگ بیش لیگ میں ہمیشہ سے نئی ٹیکنالوجی متعارف کروائی ہے چاہے وہ فیلڈ امپائر کے لیے ہیلمٹ کا استعمال ہو اسٹمپ کیمرہ یا پھر ٹاس کا غیر روایتی طریقہ یہ سب بگ بیش لیگ کے ذریعے ہی متعارف کروایا گیا ہے۔ رواں برس جاری بگ بیش لیگ میں نئی ٹیکنالوجی متعارف کروا دی گئی ہے۔
بگ بیش لیگ میں نئی ٹیکنالوجی کا استعمال کیا گیا ہے جس کے مطابق اگر بولر کا پاؤں لائن سے باہر گیا تو اسٹمپس لال ہوجائیں گی اور یہ نوبال قرار دی جائے گی۔
کھلاڑی کے آؤٹ ہونے پر آگ جیسی روشنی نکلے گی۔
میچ کے دوران چوکوں، چھکوں اور اوور کے درمیان اسٹمپس سے آگ نما روشنیاں نکلیں گی۔
For the first time in the BBL…
The electra stumps are on show 🪩 #BBL13 pic.twitter.com/A6KTcKg7Yg
— KFC Big Bash League (@BBL) December 22, 2023
مزید پڑھیں
یاد رہے کہ سال 2018 میں بگ بیش لیگ میں ٹاس کے لیے روایتی سکہ اچھالنے کی جگہ نیا طریقہ کار متعارف کرایا گیا تھا جس کے تحت ٹیموں کے کپتان ٹاس کے لیے سکے کی جگہ بلا اچھالیں گے اور ’ہیڈ‘ اور ’ٹیل‘ کی جگہ ’ہلز‘ یعنی بلے کی ابھار والی جگہ یا ’فلیٹ‘ یعنی بلے کی سیدھی سطح پکاریں گے۔
