پاکستان تحریک انصاف (پی ٹی آئی) کے سابق رکن عثمان ڈار کی والدہ ریحانہ امتیاز نے عام انتخابات کے لیے سیالکوٹ میں کاغذات نامزدگی جمع کروا دیے ہیں۔ ریحانہ امتیاز الدین ڈار قومی اسمبلی کے حلقے این اے 71 اور صوبائی اسمبلی پی پی 47 سے الیکشن لڑیں گی۔
عثمان ڈار کی والدہ نے اعلان کیا تھا کہ وہ سیالکوٹ سے خواجہ آصف کے خلاف الیکشن لڑیں گی، جس پر گزشتہ روز انہوں نے ایک ویڈیو بیان جاری کیا کہ وہ خواجہ آصف کے خلاف کاغذات نامزدگی جمع کرانے جا رہی ہیں جس پر بعد میں ایک اور ویڈیو جاری کی گئی کہ ان کے گھر کو پولیس نے گھیرے میں لے رکھا ہے، تاکہ وہ کاغذات جمع نہ کرا سکیں۔
چھوٹے بچوں کے ساتھ میں نے سڑک پر بیٹھ کر رات گزاری۔ عثمان ڈار کی والدہ میڈیا ٹاک کے دوران آبدیدہ ہوگئیں، الیکشن کے لیے کاغذات نامزدگی جمع کرا دیے#UsmanDar #PTI #WENews pic.twitter.com/Psr5rDDw3x
— WE News (@WENewsPk) December 23, 2023
کچھ روز قبل بھی عثمان ڈار کی والدہ نے سوشل میڈیا پر ایک ویڈیو جاری کی تھی جس میں انہوں نے سابق وفاقی وزیر خواجہ آصف پر اپنے گھر پر حملہ کروانے کا الزام عائد کیا تھا، انہوں نے کہا تھا کہ یہ ظلم کی انتہا ہے، کہ نہتی عورتوں پر حملے کروائے جا رہے ہیں، جس پر تشدد کی آڈیو بھی سوشل میڈیا پر وائرل ہوئی تھی۔
— Usman Dar (@UdarOfficial) December 19, 2023
سوشل میڈیا پر جاری ویڈیو میں ان کا کہنا تھا کہ کچھ لوگ میرے گھر کا دروازہ توڑ کر گھر میں داخل ہوئے، انہوں نے مجھے زدو کوب کیا، میرے سر سے چادر اتاری، میرے بال کھینچے، اس کی آڈیو بھی انہوں نے سوشل میڈیا پر جاری کی تھی۔
پاکستانیوں میرے 6 سالہ بیٹے کی چیخیں اور سسکیاں سنیں جو کہ پولیس تشدد کے خوف سے پاؤں پکڑنے پر مجبور ہوگیا💔😭 pic.twitter.com/4XVPtZKzzN
— Usman Dar (@UdarOfficial) December 19, 2023
انہوں نے کہا کہ میں نے اپنے الیکشن کے کاغذات جمع کروانے جانا ہے، یہ میرے دل کی آواز ہے، میں نے حدیث و قرآن کے مطابق فیصلہ کیا ہے، کوئی مجھے ٹارچر کر کے اپنی من مانی نہیں کروا سکتا، میرے گھر پر انہوں نے میری قمیض کو پھاڑ ڈالا۔
انہوں نے خواجہ آصف کو چیلنج دیتے ہوئے کہا کہ میرے گھر کو بلڈوزر سے ڈھیر کروا دو اور پھر میدان میں آؤ اور دیکھو میں تمہارے شیر کا کیا حشر کرتی ہوں، مجھے ہتھکڑیاں لگاؤ تب بھی کاغذات نامزدگی جمع کرواؤں گی، میں جیل میں بھی الیکشن لڑوں گی۔
والدہ عثمان ڈار کا کہنا تھا کہ یہ میرا پیغام ہے خواجہ آصف کو اور شہر سیالکوٹ کے عوام کو، آپ نے میرے کاغذات نامزدگی جمع کروانے کا سن کر 20 پولیس کے افسران کو آدھی رات کو میرے گھر پر بھیج دیا، میں چیف جسٹس صاحب سے انصاف چاہتی ہوں۔
— Sialkot Police (@DpoSialkot) December 19, 2023
دوسری جانب پولیس کا کہنا تھا کہ عثمان ڈار کے گھر پر چھاپہ اشتہاری ملزم عمر ڈار کی گرفتاری کے لیے قانونی طریقے سے مارا گیا۔
واضح رہے مسلم لیگ ن کے رہنما خواجہ آصف نے تحریک انصاف کے سابق رہنما عثمان ڈار کی والدہ کے بیان پر اپنا ردعمل دیتے ہوئے کہا کہ جن باتوں کی بنیاد اور صداقت نہیں، مناسب نہیں ان باتوں کا بار بار جواب دوں۔
9مئی کو عثمان ڈار صاحب جو کردار ادا کیا اور اس کے بعد روپوش ھو گئے تھے ۔ اسکا ملبہ بھی مجھ پہ ڈال دیں۔ پھر پکڑے گئے اور پھر TV پہ انہوں نے پچھتاوے کااظہار کیا معافی مانگی اور اپنے لیڈر پہ جو الزامات لگائے اسکا ملبہ بھی میرے پہ ڈال دیں۔ اگر خود کسی وجہ سے الیکشن نہیں لڑنا…
— Khawaja M. Asif (@KhawajaMAsif) December 19, 2023
انہوں نے کہا کہ میں ایک سیاسی ورکر ہوں اور میں ان باتوں پر یقین نہیں رکھتا، پہلے واقعے پر میں نے میڈیا پر بڑے خلوص سے کہا تھا وہ میری بہن ہیں اور گھر جانے کے لیے تیار ہوں۔
خواجہ آصف کا مزید کہنا تھا کہ اگر وہ چاہتے ہیں ناکردہ گناہ کی معافی مانگوں تو ویسے ہی ان سے معافی مانگ لیتا ہوں، سی سی ٹی وی سامنے لائیں، زیادتی ہوئی ہے تو میں ان کے ساتھ کھڑا ہوں۔
عثمان ڈار کی والدہ ریحانہ امتیاز ڈار کا سیالکوٹ وکلاء کے نام اہم پیغام! pic.twitter.com/ZKl53wxreB
— Umer Dar (@UmerPTIOfficial) December 22, 2023
واضح رہے تحریک انصاف کے سابق رہنما عثمان ڈار کی والدہ نے کہا ہے کہ میرے گھر پر توڑ پھوڑ اور ہراساں کرنے کا فائدہ خواجہ آصف کو تھا۔ یہ عوام کے سامنے معافی مانگ کر صرف عوام کو گمراہ کرتے ہیں۔ انہوں نے کہا کہ ن لیگ کے رہنما خواجہ آصف میرے گھر آتے تو معاف کردیتی کیونکہ اللّٰہ معاف کرنے والوں کو پسند کرتا ہے۔
