معروف ٹک ٹاکر صندل خٹک بھی انتخابی دنگل میں کود پڑی ہیں اور انہوں نے خیبر پختونخوا سے خواتین کی مخصوص نشست کے لیے اپنے کاغذات نامزدگی جمع کرا دیے ہیں۔
نجی ٹی وی سے گفتگو کرتے ہوئے صندل خٹک نے کہاکہ ابھی یہ نہیں بتاؤں گی کہ کس سیاسی جماعت میں جاؤں گی، میں اپنے آبائی علاقے کے مسائل حل کرنے کے لیے میدان عمل میں آئی ہوں۔
مزید پڑھیں
ان کا کہنا تھا کہ میرا مقصد خواتین کو با اختیار بنانا ہوگا، اس وقت ہماری خواتین کو گیس، بجلی اور پانی کے مسائل کا سامنا کرنا پڑ رہا ہے۔
انہوں نے مزید کہاکہ مجھے عوام کی حمایت حاصل ہے، جیت کر اپنے علاقے کی بہتری میں اپنا کردار ادا کروں گی۔
واضح رہے کہ صندل خٹک متنازعہ ٹک ٹاکر حریم شاہ کی پرانی دوست ہیں اور یہ دونوں ایک ساتھ ہی ٹک ٹاک کے پلیٹ فارم سے مشہور ہوئی تھیں۔
بعد میں دونوں میں اختلافات ہو گئے تھے اور حریم شاہ نے الزام عائد کیا تھا کہ ان کی نازیبا ویڈیوز لیک کرانے کے پیچھے صندل خٹک کا ہاتھ ہے۔
