سوشل میڈیا پرمحکمہ لٹریسی اینڈ نان فارمل ایجوکیشن کی جانب سے غیر رسمی سکولوں میں موسم سرما کی چھٹیوں کے حوالے سے ایک نوٹیفیکیشن گردش کر رہا ہے۔ جس کے مطابق پنجاب کے اسکولوں میں چھٹیوں میں اضافہ کردیا ہے۔ چھٹیاں یکم جنوری سے 10جنوری تک جاری رہیں گی۔
تاہم محکمہ لٹریسی اینڈ نان فارمل ایجوکیشن نے اس حوالے سے تصدیق یا تردید جاری نہیں کی۔
صوبائی دارالحکومت لاہور میں موسم سرما کی شدت میں اضافے کے پیش نظر چھٹیوں میں اضافے پر غور کیا جارہا ہے، محکمہ اسکول ایجوکیشن نے ایک ہفتے تک اضافے پر غور شروع کردیا ہے۔ دوسری جانب بچوں کے والدین نے بھی بچوں کی چھٹیوں میں اضافے کا مطالبہ کیا ہے۔
تاہم اس حوالے سے ابھی تک باقاعدہ ںوٹیفیکشن جاری نہیں ہوا۔
