سال 2023 میں بابراعظم کے لیے اچھا ثابت نہ ہوا اگرچہ انہوں نے ایک روزہ میچوں میں پاکستان کے لیے سب سے زیادہ رنز اسکور کیے لیکن ٹیسٹ میچ کی 9 اننگز میں ایک نصف سینچری بھی اسکور کرنے سے قاصر رہے، اس سال ان کا سب سے زیادہ اسکور 43 رنز رہا۔
ٹیسٹ ڈیبیو کے بعد یہ پہلا موقع ہے کہ بابراعظم نے ایک سال میں ایک بار بھی گراؤنڈ میں اپنا بلا شائقین کی جانب نہیں لہرایا۔
پورے سال کی طرح آسٹریلیا کے خلاف میلبرن میں ہونے والے سال کے آخری میچ کے دوران بھی بابراعظم کا بلا خاموش رہا، پہلی اننگز میں وہ محض 7 گیندوں پر ایک رنز بناسکے جبکہ دوسری اننگز میں 41 رنز بناسکے اور جوش ہیزل ووڈ کا شکار بنے۔
No Test fifty in 2023 for Babar Azam 👀 #AUSvPAK pic.twitter.com/3x12TAqZqC
— ESPNcricinfo (@ESPNcricinfo) December 29, 2023
سابق کپتان نے سال 2023 کے دوران 9 اننگز میں 22.66 کی اوسط سے 204 رنز بنائے۔
یاد رہے کہ اسی سال بھارت میں کھیلے جانے والے ورلڈکپ میں ناقص کارکردگی پر بابراعظم نے تینوں فارمیٹس میں قیادت چھوڑ دی تھی۔