فیصل آباد میں گیند گاڑی پر لگنے پر کار سوار نے 3 سالہ بچے کو بہیمانہ تشدد کا نشانہ بنا ڈالا، تھپڑ مار کر دانت توڑ دیے۔
فیصل آباد کی ڈی ٹائپ کالونی کے ڈوگر چوک میں 3 سالہ ابراہیم اپنے دوستوں کے ساتھ گلی میں کرکٹ کھیل رہا تھا کہ اسی دوران ابراہیم کی جانب سے پھینکی گئی گیند وہاں سے گزرنے والی کار پر جا لگی۔
گیند گاڑی پر لگنے سے کار سوار مشتعل ہوگیا اور ننھے ابراہیم کو زوردار تھپڑ مارا، اس کا چہرہ سڑک پر لگنے سے ایک دانت ٹوٹ گیا اور چہرے پر بھی چوٹیں بھی آئی ہیں۔
فیصل آباد کے علاقہ ڈی ٹائپ کالونی میں درندہ صفت کار سوار کا تین سالہ بچے پر تشدد۔۔فٹ بال گاڑی سے ٹکرانے پر اس زور سے تھپڑ مارا کہ بچے کا منے زمین پر لگنے سے دانت ٹوٹ گیا۔پولیس تاحال ملزم کو نا پکڑسکی۔ pic.twitter.com/OJN2tdMphW
— صحرانورد (@Aadiiroy2) January 2, 2024
واقعے کی سی سی ٹی وی فوٹیج بھی سامنے آگئی ہے۔
بچے کے والد کا کہنا ہے اس نے بچے پر تشدد کرنے والے شخص کے خلاف قانونی کارروائی کے لیے پولیس کو درخواست دی تاہم پولیس نے درخواست لینے سے انکار کردیا اور ہمیں میڈیکل ٹیسٹ کروانے اسپتال بھیج دیا۔
تشدد کا شکار بننے والے ابراہیم کے والد کا مزید کہنا ہے کہ صبح سے وہ میڈیکل کے لیے کبھی سول اسپتال کبھی حسییب شہید اسپتال خوار ہو رہے ہیں،اب تک بچے کا میڈیکل نہیں کیا گیا۔
