قومی کرکٹ ٹیم کے سابق بیٹر احمد شہزاد نے مستقبل میں بلوچستان کے کرکٹرز کے لیے اکیڈمی قائم کرنے کا اعلان کرتے ہوئے کہا ہے کہ اپنی کارکردگی کی بنیاد پر بہت جلد قومی کرکٹ ٹیم میں واپس آؤں گا۔ سینیئرکھلاڑیوں کو قومی ٹیم میں اپنی کارکردگی بہتر بنانا ہوگی۔
مزید پڑھیں
اتوار کو نگراں صوبائی وزیر اطلاعات جان اچکزئی اور قومی ٹیم کے سابق بیٹسمین احمد شہزاد نے مشترکہ پریس کانفرنس سے خطاب کیا۔
پریس کانفرنس سے خطاب کرتے ہوئے بلوچستان کے نگراں وزیر اطلاعات جان اچکزئی نے کہا کہ احمد شہزاد کو بلوچستان آنے کی دعوت دی تھی، احمد شہزاد کا بلوچستان کے ساتھ دلی لگاؤ ہے، انہوں نے بلوچستان کے ٹیلنٹ کے لیے آواز اٹھائی ہے۔
جان اچکزئی نے مزید کہا کہ احمد شہزاد کرکٹ اکیڈمی کے لیے زمین فراہم کی جائے گی۔ احمد شہزاد نے پاکستان سپر لیگ (پی ایس ایل) میں کوئٹہ کے کھلاڑیوں کو شامل کرنے کے لیے آوز بلند کی ہے۔
Gratitude to the government for backing @iamAhmadshahzad's cricket academy in Quetta, a game-changer for cricket development in #Balochistan. This venture promises to shape the future cricket stars. Kudos to @Jan_Achakzai for championing this cause! pic.twitter.com/8CxfQS1Fjj
— Sohairah Baig (@SohairahBaig) January 7, 2024
پریس کانفرنس سے خطاب کرتے ہوئے قومی کرکٹ ٹیم کے سابق بیٹر احمد شہزاد نے کہا کہ کوئٹہ گلیڈی ایٹر جب پی ایس ایل جیتی تو کوئٹہ کے لوگوں نے بہت پیار دیا۔ یہاں آ کر بہت پیار ملا، عزم تھا کہ زندگی میں جو کچھ کر سکا کوئٹہ کے کھلاڑیوں کے لیے کروں گا۔
انہوں نے کہا کہ صوبہ بلوچستان میں کھلاڑیوں کو سہولیات فراہم نہیں کی جاتیں، مستقبل میں کوئٹہ کے نوجوانوں کے لیے کرکٹ اکیڈمی بنا رہا ہوں تاہم اس کے لیے بلوچستان حکومت کی مدد چاہیے ہوگی۔
انہوں نے کہا کہ کوشش ہوگی کہ یہاں کے کرکٹرز پی ایس ایل اور قومی ٹیم میں کھیلیں، آسٹریلیا میں ہمیں وائٹ واش ہوا، جن سینیئرز پلیرز سے توقعات تھیں ان پر پورا نہیں اتر سکے۔
سینیئرز پلیرز کو کارکردگی دیکھانی چاہیے تھی۔ شکست کے بارے میں کوئی صفائی پیش نہیں کی جا سکتی اب جلد از جلد غلطیاں دور کرنا ہوں گی۔ کیمپ میں 5 روز گزار کر بہت اچھا لگا، بہت جلد قومی ٹیم میں واپس آؤں گا۔
