معروف کینیڈین پاپ سنگر جسٹن بیبر اور ان کی اہلیہ امریکی ماڈل ہیلی بیری کے درمیان علیحدگی سے متعلق خبریں آج کل میڈیا میں زیر گردش ہیں۔
ان دونوں کے درمیان علیحدگی کی خبریں اس وقت سامنے آئیں جب ہیلی بیری نے اپنی وہ بیشتر انسٹاگرام پوسٹس ڈیلیٹ کردیں جن میں وہ اپنے شوہر جسٹن بیبر کے ساتھ موجود تھیں۔
واضح رہے کہ معروف کینیڈین سنگر جسٹن بیبر نے 2018 میں امریکی سپر ماڈل ہیلی بالڈون سے شادی کی تھی۔
جسٹس بیبر کچھ عرصہ قبل فالج کا شکار ہوگئے تھے، وہ جواں عمری ہی میں ذہنی دباؤ کا شکار اور نشے کے عادی ہوگئے تھے۔ ان کی عمر 20 برس تھی جب ان میں لائم بیماری کی تشخیص ہوئی تھی۔
Related Posts
جسٹن بیبر کی حالت زیادہ اس وقت خراب ہوئی جب ان کا آدھا چہرہ فالج زدہ ہو گیا اور انہیں اپنے تمام ٹورز منسوخ کرکے تمام تر توجہ اپنے علاج پر مرکوز کرنا پڑی۔
اب شادی کے تقریباً 6 برس مکمل ہونے کے بعد ہیلی بالڈون کی جانب سے اپنے شوہر کے ساتھ لی گئی تصاویر ڈیلیٹ کیے جانے پر شائقین حیران اور پریشان ہیں۔ ہیلی بالڈون ہالی وڈ ایکٹر اسٹیفن بالڈون کی بیٹی اور معروف ایکٹر ایلک بالڈون کی بھتیجی ہیں۔
علاوہ ازیں، جسٹن بیبر اپنی اہلیہ کی جانب سے اپ لوڈ کی گئیں حالیہ تصویروں سے بھی غائب ہیں جس کی وجہ سے ان دونوں کے درمیان علیحدگی سے متعلق قیاس آرائیاں کی جارہی ہیں۔