میڈیا رپورٹرز اور فوٹوگرافرز اپنے فرائض کی انجام دہی میں کبھی کبھار معروف شخصیات کی پرائیویسی کا خیال نہیں رکھ پاتے۔ ایسا ہی کچھ بھارت کے اداکار سیف علی خان کے ساتھ بھی ہوا جو اس بات پر خاصے چڑ سے گئے۔
سیف علی خان، ان کی اہلیہ کرینہ کپور اپنے بچوں کے ساتھ جب ایک تقریب میں شرکت کر کے گھر واپس آئے تو ان کے پیچھے میڈیا کے فوٹوگرافرز بھی رہائش گاہ میں داخل ہوگئے اور ان سے تصویر کھینچوانے کی فرمائش کرنے لگ گئے۔
بھارتی میڈیا کے مطابق سیف علی خان اپنی اہلیہ کرینہ کپور کے ہمراہ ملائکا اروڑا کی والدہ کی سالگرہ کی تقریب میں شرکت کے بعد گھر واپس پہنچے تھے اور اس موقع پر کرینہ نے دیدہ زیب لباس پہن پہنا ہوا تھا جو خاصا بیباک بھی تھا۔
فوٹوگرافرز کی گھر کے حدود میں داخل ہونے اور کرینہ کپور کے بولڈ لباس میں ان کی تصاویر کھینچنے کی ضد پر سیف علی خان فوٹوگرافرز پر برس پڑے اور غصے میں آکر ان افراد کو اپنی خواب گاہ تک آنے کی دعوت دے دی۔
سیف علی خان پہلے تو فوٹوگرافرز کی فرمائش پر انھیں پیار سے منع کرتے رہے لیکن ان کے بار بار اصرار کے بعد انھوں نے تنگ آکر ان افراد کو اپنے بیڈ روم میں داخل ہوجانے کو کہا۔ سیف علی خان کی اس انوکھی دعوت پر کرینہ کپور مسکراتی رہیں اور پھر شوہر کے ہمراہ اندر چلی گئیں اور فوٹوگرافرز ناکام لوٹ گئے۔
