پاکستان تحریک انصاف (پی ٹی آئی) کے سیکریٹری جنرل عمر ایوب نے الزام عائد کیا ہے کہ پولیس نے ان کے گھر پر بغیر وارنٹ کے چھاپہ مارا ہے۔
سماجی رابطے کی ویب سائٹ ’ایکس‘ پر اپنے ایک بیان میں عمر ایوب نے لکھا کہ یہ سب فاشسٹ حکومت کی جانب سے کیا جا رہا ہے، میرے گھر پر بغیر وارنٹ چھاپے کی جتنی ہو سکے مذمت کی جائے۔
ATTENTION
Islamabad Police has raided my house in Islamabad without a warrant. Condemn this in the strongest words possible.
This is being done by a fascist Caretaker Government just because I am standing strong with PM Imran Khan. @PTIofficial— Omar Ayub Khan (@OmarAyubKhan) January 13, 2024
واضح رہے کہ اس سے قبل پی ٹی آئی کے چیئرمین بیرسٹر گوہر نے تحریک انصاف کے انتخابی نشان سے متعلق کیس کی سماعت کے دوران سپریم کورٹ کو آگاہ کیا ہے کہ ان کے گھر پر 4 ڈالوں پر لوگ آئے ہیں۔
بیرسٹر گوہر نے کہاکہ میرے بیٹے اور بھتیجے کو مارا گیا ہے اور ڈالوں پر آنے والے لوگ کاغذات لے کر چلے گئے ہیں۔
اب اسلام آباد پولیس نے ’ایکس‘ پر اپنے ایک بیان میں کہا ہے کہ پولیس کو ایک گھر میں اشتہاریوں کی موجودگی کی اطلاع تھی مگر وہاں پہنچنے پر معلوم ہوا کہ یہ بیرسٹر گوہر کا گھر ہے جس کے بعد اہلکار واپس آ گئے۔
ابھی اطلاع ملی ہے کہ بیرسٹر گوہر کے گھر پولیس پہنچی ہے۔
پولیس ایک اطلاع پر اشتہاریوں کی تلاش میں ایک گھر پہنچی۔ وہاں پہنچنے پر معلوم ہوا کہ مذکورہ گھر بیرسٹر گوہر کا ہے ۔ اور پولیس واپس آگئی۔
نہ ہی کسی پر کسی قسم کا تشدد کیا گیا اور نہ ہی کوئی دستاویزات اٹھائی گئیں ہیں ۔
یہ…
— Islamabad Police (@ICT_Police) January 13, 2024
ترجمان نے کسی بھی تشدد کے الزامات کو رد کرتے ہوئے کہا ہے کہ یہ معمول کی کارروائی تھی، اس دوران کوئی دستاویزات نہیں اٹھائی گئیں۔