پاکستان تحریک انصاف کو بلے کا نشان نہ ملنے کے بعد سوشل میڈیا ٹیم متحرک ہو گئی ہے، ٹیم نے ٹیکنالوجی کا بھرپور فائدہ اٹھاتے ہوئے سوشل میڈیا پلیٹ فارم ’ایکس‘ پر اپنا پورٹل تیار کر لیا ہے، اب ووٹرز اپنے اُمیدوار کا انتخابی نشان بآسانی جان سکیں گے۔
مزید پڑھیں
سماجی رابطے کی ویب سائٹ ’ایکس ‘ پر جاری کی گئی معلومات کے مطابق پاکستان تحریک انصاف (پی ٹی آئی ) پی ٹی آئی کی سوشل میڈیا ٹیم نے پی ٹی آئی کے جن امیدواروں کے کاغذات نامزدگی منظور کیے گئے ہیں ان کے لیے بطور آزاد امیدوار پورٹل بنایا گیا ہے۔
سوشل میڈیا ٹیم کی جانب سے مثال دے کر سمجھایا گیا ہے کہ ’مثلاً اگر آپ حلقہ این اے ون تلاش کریں گے تو اس پورٹل کے نیچے آپ کو امیدوار کا نام اور نشان مل جائے گا تاہم میڈیا ٹیم کی جانب سے کہا گیا ہے کہ اس پورٹل کو حتمی شکل تمام صوبائی اور قومی اسمبلی کے اُمیدواروں کا مکمل ڈیٹا ملنے کے بعد ہی لانچ کیا جائے گا۔
PTI Social media team has created portal for notified candidates of PTI as independent candidates, E.g search for "NA1" and below you will find the name and symbol of the candidate. It will be launched after receiving complete data.#انتخابی_نشان_عمران_خان#ChallengeAccepted pic.twitter.com/wYigzkvBoc
— Kifayat Khan Swati (@SwatiKifayat) January 14, 2024
واضح رہے کہ ہفتہ کے روز سپریم کورٹ آف پاکستان نے پاکستان تحریک انصاف کے ’بلے ‘ کے نشان سے متعلق پشاور ہائیکورٹ کے فیصلے کو کالعدم قرار دیتے ہوئے الیکشن کمیشن آف پاکستان کے فیصلے کو برقرار رکھا تھا۔
Dear #PakistanFamily, you had suggested a website to get Candidate & Election Symbol; happy to share that we have created one, see example search for “NA1” & the results below showing candidate name & symbol. We are just waiting for data before we go LIVE! #ChallengeAccepted pic.twitter.com/3ojUyhfTZT
— Ghulam Abbas PTI (@AbbasK0909) January 14, 2024
سپریم کورٹ کے فیصلے کے بعد پاکستان تحریک انصاف کا انتخابی نشان ’بلا‘ ختم ہو گیا تھا اور چیئرمین پی ٹی آئی گوہر خان نے تمام امیدواروں کے آزاد حیثیت میں الیکشن لڑنے کا اعلان کیا تھا۔
