پاکستان تحریک انصاف نے الزام عائد کیا ہے کہ کراچی میں ورکرز کنونشن سے قبل پولیس نے چھاپہ مارا ہے اور شیر افضل مروت کو گرفتار کرنے کی کوشش کی ہے۔
ترجمان پی ٹی آئی کراچی نے کہا ہے کہ میسر ہاؤس میں شیر افضل مروت نے ورکرز کنونشن سے خطاب کرنا تھا۔ پولیس نے میسر ہاؤس کو چاروں اطراف سے گھیر لیا ہے۔ جبکہ چھاپے کے دوران متعدد کارکنوں کو حراست میں لے لیا گیا ہے۔
https://twitter.com/MKamran_14/status/1746559089390637075
پی ٹی آئی رہنما راجہ اظہر نے مذمتی بیان میں کہا ہے کہ شیر افضل مروت کو کراچی میں گرفتار کرنے کی کوشش کی گئی۔ بڑے افسوس کی بات ہے سندھ میں ہمارے مہمان کو گرفتار کرنے کے لیے پولیس کی بھاری نفری پہنچ گئی ہے۔
انہوں نے کہاکہ ہمیں کہا جا رہا ہے تمام جماعتوں کے لیے لیول پلیئنگ فیلڈ ہے لیکن آج سب نے دیکھا سی ویو اور اب میسر ہاؤس کو پولیس نے گھیرا ہوا ہے۔
راجہ اظہر نے کہاکہ ہمارے ورکرز کنونشن کو سبوتاژ کرنے کے لیے پولیس نے ہمارے متعدد کارکنان کو گرفتار کر لیا ہے۔ آئی جی سندھ، ایڈیشنل آئی جی، ایس ایس پی ہمیں بتائیں کہ یہ کیا ہو رہا ہے۔
انہوں نے کہاکہ ہم پر امن لوگ ہیں، ہمارے اوپر دہشتگردی کے جھوٹے مقدمات بنائے جاتے ہیں۔ گرفتار کارکنوں کو فوری رہا کیا جائے۔
انہوں نے کہاکہ اگر ہمارے کارکنان کو فوری رہا نہیں کیا جاتا تو ہم آگے کا لائحہ عمل طے کریں گے اور اپنے وکلا کے ہمراہ قانونی جنگ لڑیں گے۔
سندھ میں ٹکٹوں کی تقسیم درست نہیں ہوئی، شیر افضل مروت
دوسری جانب شیر افضل مروت نے پی ٹی آئی کی ریلی سے خطاب کرتے ہوئے کہا ہے کہ 8 فروری کو ہر ہتھکنڈے کا جواب دیا جائے گا۔ پیپلزپارٹی نے 15 سال میں قبضے کے علاوہ کچھ نہیں کیا۔
"This is our land. This is our country. No one should dare stop us from holding an election rally."- Sher Afzal Marwat
Karachi is represents the diverse beauty of Pakistan and on February 8th polling day, it will, like the rest of Pakistan, vote for Imran Khan's Naya Pakistan!… pic.twitter.com/pZgLPqkFn2
— PTI USA Official (@PTIOfficialUSA) January 14, 2024
انہوں نے کہاکہ پی ٹی آئی کو لیول پلیئنگ فیلڈ نہیں مل رہی، کراچی کے لوگ تو آج گھروں سے نکل آئے ہیں لیکن جن لوگوں نے مجھے جلسے کی دعوت دی وہ غائب ہیں۔
شیر افضل مروت نے کہاکہ سندھ میں پی ٹی آئی کے ٹکٹوں کی تقسیم غلط ہوئی، جو ٹکٹ ہولڈر ریلی میں ہی شریک نہیں ہوئے وہ ہمارے وفادار کیسے ہو سکتے ہیں۔
