ملک بھر میں موسم سرد اور خشک ہونے کے باعث مختلف اقسام کی بیماریاں پھیل رہی تھیں، بارش نہ ہونے کے باعث فصلوں کا بھی نقصان ہو رہا تھا جس سے کاشتکار بھی پریشان تھے، مساجد میں بارش کے لیے دعائیں کرائی جا رہی تھیں، ملک بھر میں نمازِ استسقا بھی ادا کی گئی، اب ملک بھر میں بارشوں اور پہاڑوں پر برف باری کا سلسلہ شروع ہو گیا ہے۔
وفاقی دارالحکومت اسلام آباد میں بھی بدھ کو کچھ ایسے ہی مناظر دیکھنے کو ملے، جس پر شہریوں کو گماں ہونے لگا کہ یہاں شہر میں بھی برف باری شروع ہو گئی ہے۔
#Islamabad#rawalpindi sadqabad pic.twitter.com/ZNS1CJorOg
— Arslan Rehman (@arslanmirzar) January 31, 2024
بدھ کو راولپنڈی اور اسلام آباد میں شدید بارش کے بعد ژالہ باری سے سڑکیں سفید ہو گئیں، پھسلن بڑھ گئی اور ایسا منظر نظر آنے لگا جیسے راولپنڈی اور اسلام آباد میں بھی برف پڑھ گئی ہے، راولپنڈی اور اسلام آباد کے بیشتر علاقوں میں اندرونِ شہر پارکس، گلیاں اور سڑکیں بالکل سفید ہو گئیں۔ جس پر سوشل میڈیا پر بعض صارفین نے ایسی تصاویر اور ویڈیوز شیئر کیں جن میں انہیں کمنٹری کرتے ہوئے سنا جا سکتا ہے کہ اسلام آباد میں بھی برف پڑ گئی ہے۔
Snowfall in Islamabad today near Bahria Enclave and Kuri Road. Wonderful view. #Islamabad #Weather #WeatherForecast #ClimateAction @Islamabadies @pmdgov @WMO pic.twitter.com/XS2gonVTTm
— Shahid Ajmal Malik (@shahid_ajmal) January 31, 2024
تاہم وی نیوز نے محکمہ موسمیات سے یہ جاننے کی کوشش کی کہ آیا اسلام آباد میں بارش کے ساتھ کہیں برف باری بھی ہوئی ہے؟ تو اس پر محکمہ موسمیات کے ڈائریکٹر جنرل صاحبزادہ خان نے وی نیوز سے خصوصی گفتگو کرتے ہوئے کہا کہ اسلام آباد کا درجہِ حرارت 10 سے 12 کے درمیان رہتا ہے تو اس درجہِ حرارت میں برف باری ممکن نہیں ہو سکتی، برف باری اس وقت ہوتی ہے جب درجہِ حرارت صفر یا منفی ڈگری سینٹی گریڈ ہو جاتا ہے۔
Never seen such a high volume of hailing in Islamabad.
This literally looks like snow pic.twitter.com/bIn53dIoOA
— NoobFromPK ✨ (@NoobFromPK) January 31, 2024
محکمہ موسمیات کے ڈائریکٹر جنرل نے بتایا کہ بدھ کو اسلام آباد اور راولپنڈی کے بعض مقامات پر شدید ژالہ باری ہوئی ہے اور چونکہ ژالہ باری کا یہ سلسلہ بہت دیر تک جاری رہا ہے اور اولے ایک جگہ جمع ہو گئے اس لیے ایسا منظر دکھائی دیتا رہا کہ جیسے برف باری ہوئی ہے۔ انہوں نے بتایا کہ اسلام آباد کا درجہِ حرارت ایسا نہیں ہے کہ یہاں برف باری ہو سکے۔
واضح رہے کہ آج سے 9 سال قبل وفاقی دارالحکومت اسلام آباد کی بلندی پر واقع مارگلہ پہاڑوں کی چوٹیوں نے بھی سفید چادر اوڑھ لی تھی، صبح کے وقت اسکول اور دفاتر جانے والوں نے جب مارگلہ پہاڑ کی جناب رخ کیا تو وہ یہ منظر دیکھ کر حیران رہ گئے تھے کہ اسلام آباد میں بھی برف باری ہوئی ہے۔
