برطانوی دارلحکومت لندن کی اولڈ بیلی کورٹ ہاؤس میں یک بعد دیگرے دھماکوں کے بعد خالی کر لیا گیا ہے، دھماکوں کی وجہ سے علاقے سمیت اولڈ بیلی کی کئی عمارتوں میں بجلی کی فراہمی معطل ہوگئی۔
Series of explosions heard from building next to Old Bailey for about 10 minutes before smoke emerges. Many buildings seem to have suffered power cuts. pic.twitter.com/GPnCs9cWAJ
— David Brown (@DavidhBrown) February 7, 2024
بدھ کو وسطی لندن میں اولڈ بیلی بلڈنگ کے قریب متعدد دھماکوں کی اطلاعات موصول ہوئی ہیں۔ اولڈ بیلی یا سینٹرل کریمنل کورٹ آف انگلینڈ اینڈ ویلز ایک فوجداری عدالت ہے۔
دھماکوں کی وجہ سے علاقے میں بجلی کا نظام درم برہم ہو گیا اور اولڈ بیلی سمیت کئی عمارتوں میں بجلی کی فراہمی معطل ہوگئی۔ اولڈ بیلی کے قریب ایک عمارت سے نکلنے والے کالے دھوئیں کی ایک ویڈیو بھی سوشل میڈیا پر سامنے آئی ہے۔
Fire fighters are on the scene at the Old Bailey in London after a series of explosions heard, initial reports indicate it may be caused by an electrical fault pic.twitter.com/3qPZ6XTIHH
— Huginn and Muninn Intelligence (@HM_Int3lligence) February 7, 2024
ابتدائی اطلاعات میں بتایا گیا ہے کہ اولڈ بیلی کورٹ کے قریب واقع ایک عمارت سے تقریباً 10 منٹ تک دھماکوں کی آوازیں سنی گئیں جس کے بعد عمارت سے دھواں اٹھنے لگا۔
دھماکوں کے بعد کمرہ عدالت میں بجلی کی فراہمی معطل ہونے کی وجہ سے عدالت کو خالی کرا لیا گیا۔ تاریخی عدالت میں جاری اہم سماعتوں میں سے ایک کونسٹینس مارٹن اور مارک گورڈن کیس کی سماعت بھی ہو رہی تھی، ان پر اپنے ہی بچے کے قتل کا الزام ہے۔
اولڈ بیلی کے عقبی حصے سے کالا دھواں اٹھتا دیکھا گیا
عمارت میں آگ لگنے سے اٹھنے والے دھویں کے فوری بعد کم از کم 5 آگ بجھانے والی گاڑیاں موقع پر پہنچ گئیں۔ ذرائع ابلاغ کے مطابق عینی شائد نک جانسن کا کہنا ہے کہ ’سینٹرل کریمنل کورٹ‘ اولڈ بیلی کے عقبی حصے سے کالا دھواں اٹھ رہا تھا اور اسے خالی کرانے سے پہلے اندر سے چمکتی روشنیاں بھی دیکھی گئی ہیں۔