امریکی ریاست فلوریڈا کے ہوائی اڈے کے قریب زیر تعمیر کالج میں کھدائی کے دوران دوسری جنگ عظیم کے دور کا ایک غیر فعال بم برآمد ہوگیا۔
ہرنینڈو کاؤنٹی شیرف کے بروکس ول میں ولٹن سمپسن ٹیکنیکل کالج کی تعمیر کے دوران مزدورں کو زمین میں دبا ایک بم ملا جو دوسری جنگ عظیم کے زمانے کا ہے۔
شیرف نے بم ڈسپوزل اسکواڈ کے آنے سے قبل تقریباً ڈیڑھ میل کا علاقہ خالی کرالیا تھا اور ملحقہ سڑکیں بھی بند کرادی تھی تاہم ماہرین نے معائنے کے بعد اسے غیر فعال قرار دیا۔
مزید پڑھیں
ماہرین نے یہ بھی بتایا کہ کہ وہ ایک مارک 65 بم ہے جو 450 کلو سے زیادہ وزنی اور دوسری جنگ عظیم کے دور کا ہے۔ شیرف ٹمپا میں میک ڈیل ایئر فورس بیس کے عملے کے ذریعے بم کو ناکارہ بنایا جائے گا۔
خیال کیا جاتا ہے کہ دوسری جنگ عظیم کے دوران فوجیوں نے ہوائی اڈہ بنانے سے پہلے اس اراضی پر قبضہ کر لیا تھا۔ ہوائی اڈے کوجنگی جہازوں کی تربیتی مشقوں کے لیے استعمال کیا جاتا تھا۔