ٹینس اسٹاراعصام الحق پاکستان ٹینس فیڈریشن کے صدر منتخب، کیا مفادات کا ٹکراؤ پیدا ہوسکتا ہے؟

پاکستان کے معروف ٹینس پلیئراعصام الحق پاکستان ٹینس فیڈریشن کے صدر منتخب ہوگئے ہیں۔ اسلام آباد میں پی ٹی ایف ہیڈکوارٹر میں ہونے والے الیکشن میں انہوں نے اپنے مخالف میجر جنرل (ر) اصغرنواز کو 8-7 سے شکست دی۔

اعصام فیڈریشن کی صدارت پر فائز ہونے والے پہلے فعال ٹینس کھلاڑی بن گئے ہیں۔ ان کی تقرری چار سال کی مدت کے لیے کی گئی ہے اور وہ سلیم سیف اللہ خان کی جگہ یہ کردار ادا کریں گے۔

Pakistan Tennis Federation president elections 🎾

Aisam-ul-Haq: 8 votes ✅
Major General (retd) Asghar Nawaz: 7 votes ❌#Tennis pic.twitter.com/0FONAR5IqA

— Muneeb Farrukh (@Muneeb313_) February 10, 2024

الیکشن کمشنر سابق چیف سیکرٹری شکیل درانی کی زیرنگرانی ہونے والے انتخابات میں لیفٹیننٹ کرنل (ر) ضیاء الدین طفیل سیکرٹری جبکہ عارف قریشی خزانچی منتخب ہوئے۔

اعصام بطور پی ٹی ایف صدر مسائل کا باعث بن سکتے ہیں، حمید الحق

ڈیوس کپ کے سابق کپتان، کوچ اور سابق قومی چیمپیئن حمید الحق گزشتہ ماہ اعصام الحق کی متوقع کامیابی سے متعلق تحفظات کا اظہار کرتے ہوئےکہا تھا کہ اعصام بطور صدر پی ٹی ایف مفادات کے تصادم کا باعث ثابت ہوں گے۔