میراتھن دوڑ میں عالمی ریکارڈ بنانے والے ایتھلیٹ کیلون کپٹم سڑک کے ایک حادثے میں ہلاک ہو گئے۔
کیلون کیپٹم گزشتہ روز مغربی کینیا میں اپنے کوچ گروائس ہاکیزیمانااور ایک خاتون کے ہمراہ کار میں سفر کر رہے تھے جب ان کی کار بے قابو ہو کر الٹ گئی۔ میڈیا رپورٹس کے مطابق، حادثے میں ان کے کوچ بھی ہلاک ہوئے جبکہ خاتون زخمی ہوگئیں۔
World Athletics is deeply saddened to hear that marathon world record-holder Kelvin Kiptum died in a road traffic accident on Sunday at the age of 24.
Obit: 🔗 https://t.co/0CF1NbAzgw pic.twitter.com/TgWepi0cok
— World Athletics (@WorldAthletics) February 11, 2024
کینیا سے تعلق رکھنے والے 24 سالہ کیلون کپٹم نے گزشتہ برس شکاگو میں میراتھن مقابلے میں 26.1 میل کا فاصلہ 2 گھنٹے 35 سیکنڈ میں طے کرکے اپنے ہم وطن عالمی ریکارڈ ہولڈر ایلیوڈ کیپچوگے کو ہرا کر نیا عالمی ریکارڈ اپنے نام کیا تھا۔ گزشتہ برس ان دونوں کھلاڑیوں کو پیرس اولمپکس کے لیے کینیا کی عارضی میراتھن ٹیم میں نامزد بھی کیا گیا تھا۔
کیلون کپٹم کی کار حادثے میں موت پر کینیا کے حکومتی اور سابق رہنماؤں نے گہرے دکھ اور رنج کا اظہار کیا ہے اور کہا ہے کہ کینیا ایک بہترین ایتھلیٹ اور قومی ہیرو سے محروم ہوگیا ہے۔
Related Posts
ورلڈ ایتھلیٹکس کے صدر سیبیسٹین کو نے کیولون کو خراج تحسین پیش کرتے ہوئے کہا کہ کپٹم ایک ناقابل یقین ایتھلیٹ تھا جس کی کمی ہمیشہ محسوس کی جائے گی۔ گزشتہ ہفتے کیلون کی ٹیم نے اعلان کیا تھا کہ وہ روٹرڈیم میراتھن میں کل فاصلہ 2 گھنٹے سے کم وقت میں طے کرنے کی کوشش کریں گے جو کہ ایک نیا عالمی ریکارڈ ہوگا۔
کیلون نے میراتھن کا پہلا مقابلہ 4 برس پہلے جیتا تھا جس میں دوڑنے کے لیے انہوں نے کسی سے جوتے ادھار لیے تھے مگر ان کی شہرت میں اس وقت اضافہ ہوا جب 2022 میں انہوں نے اپنی پہلی میراتھن دوڑ مکمل کی تھی۔
