بنگلہ دیش کی کرکٹ ٹیم نے انگلینڈ کے خلاف ٹی ٹوئنٹی سیریز کا دوسرا میچ جیت کر فتح اپنے نام کر لی ہے۔
ڈھاکہ کے شیر بنگلہ نیشنل اسٹیڈیم میں کھیلے گئے میچ میں انگلینڈ نے پہلے بیٹنگ کرتے ہوئے بنگلہ دیش کو 118 رنز کا ہدف دیا تھا جو میزبان ٹیم نے 18 اعشاریہ 5اوورز میں پورا کر لیا۔
انگلش ٹیم کی بیٹنگ
انگلینڈ کی جانب سے پہلے بیٹنگ کرتے ہوئے فل سالٹ نے 19 گیندوں پر 25 رنز بنائے جبکہ ڈیوڈ ملان 5 رنز اسکور کرسکے اور اس کے بعد آنے والے معین علی نے 17 بالز پر 15 رنز بنائے جب کہ کپتان جاس بٹلر 6 گیندوں پر 4 اسکورکرکے چلتے بنے، جس کے بعدبین ڈکٹ نے 28 بالز پر28 رنز اسکور کیے۔
انگلینڈ کے بیٹرسیم کورن نے 16 بالز پر 12 رنز اسکور کیے جبکہ کرس جورڈن نے 10 بالز پر 3 رنز رنز بنائے اور ریحان احمد 11 بالز پر 11 اسکور بنا کر رن آؤٹ ہوئے۔
بنگلہ دیش کی جانب سے مہدی حسن نے 4 کھلاڑیوں کومیدان سے باہر بھیجا جبکہ تسکین احمد اور مستفیض الرحمان اور حسن محمد نے ایک ایک وکٹ حاصل کی۔
بنگلہ دیش کی بیٹنگ
بنگلہ دیش کی طرف سے بیٹنگ کرتے ہوئے نجم الحسن شانٹو46 رنز بنا کرنمایاں رہے جبکہ مہدی حسن مرزانے 20رنز اسکور کیے۔
انگلینڈ کے باؤلرز میں سے جافرآرچر نے 3 کھلاڑیوں کو آؤٹ کیا جبکہ سیم کورن ،معین علی،ریحان علی نے ایک ایک وکٹ حاصل کی۔
واضح رہے کہ اس سے قبل سیریز کے پہلے میچ میں بنگلہ دیش نے انگلش ٹیم کو 6 وکٹوں سے شکست دی تھی اور اب سیریز کا تیسرا اور آخری میچ 14 مارچ کو کھیلا جائے گا۔
اس سے قبل ون ڈے سیریز انگلینڈ نے جیت لی تھی
یاد رہے کہ اس سے قبل انگلینڈ نے تین ایک روزہ میچوں کی سیریز میں میزبان بنگلہ دیش کو1-2 سے شکست دی تھی اور پہلے میچ میں انگلینڈ نے 3 وکٹوں اور دوسرے میچ میں 132 رنز سے فتح اپنے نام کی تھی جبکہ سیریز کا تیسرز میچ بنگلہ دیش نے انگلینڈ کو 50 رنز سے ہرایا تھا۔
یہ بھی یاد رہے کہ اس سے قبل بنگلہ دیش نے انڈیا کو بھی ہوم سیریز میں شکست دی تھی۔
