بالی ووڈ کی مشہور اداکارہ کرینہ کپورداداصاحب پھالکے ایوارڈ شو کی تقریب میں اداکار شاہد کپور کو نظر اندازکرتی نظر آئیں جس کی ویڈیو سوشل میڈیا پر وائرل ہوگئی۔
وائرل ویڈیو میں دیکھا جاسکتا ہے کہ شاہد کپور اپنا ایوارڈ تھامے ہدایت کاروں کےساتھ کیمرے کے سامنے پوز دے رہے ہوتے ہیں کہ اسی دوران کرینہ کپور وہاں آجاتی ہیں، کرینہ کپوراپنے سامنے کھڑے شاہد کپورکو نظراندازکرتے ہوئے ہدایت کاروں سے بات چیت کے بعد پھرآگے چلی جاتی ہیں۔
View this post on Instagram
جہاں کئی سوشل میڈیا صارفین کرینہ کپور کوشاہد کپور کے ساتھ اس نوعیت کی بے رخی روا رکھنے پر تنقید کا نشانہ بنا رہے ہیں وہیں چند صارفین کا کہنا ہے کہ دونوں نے بہت مہذب انداز سے ایک دوسرے کو نظرانداز کیا ہے۔ صارف نے اداکاروں کی فلم ’جب وی میٹ‘ کو یاد کرتے ہوئے لکھا کہ وہ بہت شاندار فلم تھی اور دونوں نے اپنے کرداروں کو بخوبی نبھایا، انہوں نے امید ظاہر کی کہ دونوں اداکار ایک دن کسی فلم میں اکھٹے کام کریں گے۔
واضح رہے کہ ماضی میں کرینہ کپوراورشاہد کپورکے درمیان گہری دوستی رہی ہے تاہم اب دونوں اداکاراپنی اپنی شادیوں کے بعد خوشگوارزندگی گزاررہے ہیں۔
کرینہ کپوراورشاہد کپور نے دو سُپرہٹ فلموں میں ایک ساتھ کام کرچکے ہیں، جن میں فلم ‘جب وی میٹ’ اور ‘اُڑتا پنجاب’ شامل ہیں۔