سوشل میڈیا پر سموسہ کھانے کے نقصانات بیان کرنے والے ڈاکٹر عفان شہری کو مہنگا ترین بل دینے کی وجہ سے سخت تنقید کی زد میں ہیں۔
سوشل میڈیا پر ایک شہری کی ویڈیو وائرل ہو رہی ہے جس میں وہ ڈاکٹر عفان کے اسپتال میں علاج کا احوال بیان کرتے ہوئے بول رہا ہے کہ میں وہاڑی سے ڈاکٹر عفان کو چیک کروانے آیا ہوں، لیکن ڈاکٹر صاحب سے ملاقات سے قبل ہی میرا 10 ہزار کا بل بنا دیا گیا۔
شہری کا کہنا تھا کہ ڈیڑھ گھنٹہ انتظار کرنے کے بعد ڈاکٹر صاحب سے ملاقات ہوئی تو انہوں نے کھڑے کھڑے پوچھا کہ کیا مسئلہ ہے میں نے ایک مریض کو بے ہوش کیا ہوا ہے۔ میں نے کہا میں مریض ہوں میرا مسئلہ سنیں تو انہوں نے گارڈ بلا لیے جنہوں نے دھکے دے کر ہمیں باہر نکال دیا۔
شہری نے ڈاکٹر عفان پر تنقید کرتے ہوئے کہاکہ آپ یوٹیوب پر بہت اچھی تقریریں کرتے ہیں اور کہتے ہیں کہ غریب کا احساس کرنا چاہیے لیکن آپ خود ایک ڈاکو ہیں آپ غریبوں کو لوٹ رہے ہیں، آپ نے ایک منٹ میں 30 ہزار لے لیے ہیں اور میری بات بھی پوری نہیں سنی۔ شہری نے کہاکہ یہ صرف یوٹیوب پر بیٹھ کر تقریریں کرتے ہیں ان کے جھانسے میں ہر گز نہ آئیں۔
شہری کی ویڈیو سامنے آنے کے بعد صارفین کی جانب سے اس پر ردعمل کا اظہار کیا گیا۔ کسی نے کہاکہ ایسے فراڈ سے بچنا چاہیے تو کسی نے کہاکہ ڈاکٹر صاحب کو اس واقعہ پر اپنا موقف سامنے رکھنا چاہیے۔
عمران بلال نے سوال کیا کہ کیا ڈاکٹر عفان اس واقعہ پر اپنا موقف دیں گے؟
کیا ڈاکٹر عفان اس ویڈیو پہ کوئی اپنا مؤقف بیان کرے گا۔۔@draffanqaiser https://t.co/6ZcCQ3bMZr
— Imran Bilal (@MrImranPk) February 22, 2024
ایک صارف نے لکھا کہ یہ سب کچھ پلان کے تحت ہو رہا ہے اور ن لیگ باقاعدہ پروپیگنڈا کے تحت ڈاکٹر عفان کے پیچھے پڑ گئی ہے کیونکہ وہ تحریک انصاف کی حمایت کرتے ہیں۔
اب آپ ڈاکٹر عفان کے پیچھے پڑ جاؤ یہ ایک پلان کے تحت ن لیگ پروپگنڈا کر رہی ہے
Stay strong@draffanqaiser https://t.co/efweWIRFyl— Dr Hasnain sikhani (@hasnain_views) February 22, 2024
وقار اللہ لکھتے ہیں کہ ایسے ڈاکٹر کو جیل میں ڈالنا چاہیے۔
اس ڈاکٹر کو تو جیل میں ڈالنا چاہیے ہے https://t.co/2SROFtwSqV
— waqar ullah (@waqar_1992) February 22, 2024
ایک صارف نے شہری کی ویڈیو پر تبصرہ کرتے ہوئے لکھا کہ یہ بندہ 100 فیصد ٹھیک کہہ رہا ہے۔ کچھ دن پہلے میں بھی اپنے ایک دوست کا چیک اپ کرانے گیا تھا اور میرے ساتھ بھی بالکل یہی کچھ ہوا تھا، ٹیسٹ کرانے کے لیے ایک لمبی لسٹ دے دی اور وہاں جو مریض آئے ہوئے تھے ان سے بات ہوئی تو انہوں نے بتایا 3 ماہ ہوگئے ہیں ہر بار نئے ٹیسٹ کروائے جا رہے ہیں۔
یہ بندہ 100 فیصد ٹھیک کہہ رہا ہے کچھ دن پہلے میں ایک دوست کا چیک اپ کرانے گیا تھا اس کے ہسپتال لیور ٹاور جمیل آباد ملتان بلکل یہی کچھ ہوا تھا اور ایک لمبی لسٹ دے دی ٹسٹوں کی اور وہاں جو مریض آئے ہوئے تھے ان سے بات ہوئی تو انہوں نے بتایا تین ماہ ہوگئے ہیں ہر بار نئے ٹیسٹ کروا رہا https://t.co/Mzt6qelYTS
— RanaRashidAdv (@AdvRashid71206) February 22, 2024
جہاں صارفین نے مطالبہ کیا کہ اس ڈاکٹر کا اصل چہرہ عوام کے سامنے لایا جائے وہیں بعض لوگوں کا کہنا تھا کہ اس معاملے کی تحقیقات یونی چاہییں تاکہ پتا چلے کہ حقیقت کیا ہے۔
