ملک میں عام انتخابات کے بعد پنجاب اسمبلی کا پہلا اجلاس آج 2 گھنٹے تاخیر کے بعد اسپیکر پنجاب اسمبلی سبطین خان کی صدارت میں شروع ہوا۔ پنجاب اسمبلی کے افتتاحی اجلاس میں نو منتخب اراکینِ اسمبلی حلف اُٹھائیں گے۔
اجلاس میں مسلم لیگ ن کے اراکین قائد میاں نواز شریف کی تصویروں والے پلے کارڈز اُٹھا کر اسمبلی پہنچ گئے جبکہ آج سے اپنی پارلیمانی سیایست کا آغاز کرنے والی مسلم لیگ ن کی چیف آرگنائزر مریم نواز بھی جب اسمبلی ہال میں پہنچیں تو ان کے ہاتھ میں اپنے والد کی تصویر تھی۔ مریم نواز کے ہاتھوں میں نواز شریف کی تصویر اٹھائے ویڈیو سوشل میڈیا پر وائرل ہو رہی ہے جس پر صارفین کی جانب سے مختلف تبصرے کیے جا رہے ہیں۔
مزید پڑھیں
نامزد وزیراعلیٰ مریم نواز پنجاب اسمبلی حلف برداری کے موقع پر اپنے والد اور سابق وزیراعظم نوازشریف کی تصویر ساتھ لائیں۔ متعدد دیگر ن لیگی ارکان بھی نواز شریف کی تصویریں لائے۔
نامزد وزیراعلئ مریم نواز پنجاب اسمبلی حلف برداری کے موقع پر اپنے والد اور سابق وزیراعظم نوازشریف کی تصویر ساتھ لائیں۔ متعدد دیگر ن لیگی ارکان بھی نواز شریف کی تصویریں لائیں۔💞 pic.twitter.com/8f51DtaZrR
— SHAHID BUTT 🇵🇰 🇪🇸 🇵🇸 (@KINGNS1P) February 23, 2024
نورین سلیم نے مریم نواز کے لیے لکھا کہ جیل کی کال کوٹھری سے وزیر اعلیٰ پنجاب تک۔ ان کا مزید کہنا تھا کہ بے شک سیاست بہادروں کا کھیل ہے ۔ مریم نواز نے بہادری سے ڈٹ کر اپنے والد کیساتھ ایک سازشی ظالم اور مضبوط اسٹیبلشمنٹ کا مقابلہ کیا ۔ آج وہ اکثریت کے ساتھ تخت پنجاب پر بیٹھیں گی اور ایک مضبوط وزیر اعلیٰ ہوں گی۔
جیل کی کال کوٹھری سے وزیر اعلیٰ پنجاب تک۔ بے شک سیاست بہادروں کا کھیل ہے ۔ مریم نواز نے بہادری سے ڈٹ کر اپنے والد کیساتھ ایک سازشی ظالم اور مضبوط اسٹیبلشمنٹ کا مقابلہ کیا ۔ آج تخت پنجاب پر بیٹھیں گی بڑی میجارٹی کیساتھ ۔ ایک مضبوط وزیر اعلیٰ ۔ دل خوش ہوگیا ۔ pic.twitter.com/bzZZm4SgBg
— Naureen Saleem Janjua (@NaureenJanjua) February 23, 2024
ایک صارف نے لکھا کہ جیل میں باپ کے سامنے گرفتار ہونے سے لے کر باپ کے سامنے وزیر اعلی پنجاب کا حلف لینے والی مریم نواز شریف۔
جیل میں باپ کے سامنے گرفتار ہونے سے لیکر باپ کے سامنے وزیر اعلی پنجاب کا حلف لینے والی مریم نواز شریف 💙🥹🫶🏻 pic.twitter.com/wqLWFDCTJc
— Resham Saleem🇵🇰🦁 (@ReshamSaleem3) February 23, 2024
رباب حیات نے ایک ویڈیو شیئر کی اور لکھا کہ پنجاب اسمبلی میں مریم نواز کو دیکھتے ہی مینڈیٹ چور کے نعرے۔
پنجاب اسمبلی میں مریم نواز کو دیکھتے ہی مینڈیٹ چور کے نعرے۔ pic.twitter.com/48CidAuGWR
— Rubab Hayat (@shuglisam) February 23, 2024
واضح رہے کہ مریم نواز کا آج سے پارلیمانی سیاست کا آغاز ہو رہا ہے، وہ پہلی بار پنجاب اسمبلی کی رکنیت کا حلف اٹھائیں گی۔
