ملک میں سوشل میڈیا پلیٹ فارم ’ایکس‘ تک رسائی کے لیے پاکستانیوں کو مشکلات درپیش ہیں، گزشتہ ہفتے سے پاکستانی ’ایکس‘ پر رسائی حاصل کرنے سے قاصر ہیں جبکہ کئی صارفین ورچوئل پرائیویٹ نیٹ ورک (وی پی این) سہارا لینے پر مجبور ہیں۔
گزشتہ روز کوئٹہ گلیڈی ایٹرز کے کپتان ریلی روسو اور کوئٹہ کے اینالسٹ پرسنا اگورام کی ایک ویڈیو سوشل میڈیا پر وائرل ہوئی جس میں دونوں بحث کرتے دکھائی دے رہے تھے، ویڈیو وائرل ہوئی تو روسو نے ٹوئٹ کیا کہ جیسا آپ نے دیکھا ایسا کچھ نہیں ہے، پریشان ہونے کی کوئی ضرورت نہیں۔
ایک صارف نے ان کی ٹوئٹ پر سوال اٹھاتے ہوئے لکھا کہ کیا آپ وی پی این استعمال کررہے ہیں؟
واضح رہے کہ گزشتہ روز دلسچپ مقابلے کے بعد کوئٹہ گلیڈی ایٹرز نے اسلام آباد یونائیٹڈ کو 3 وکٹوں سے شکست دی تھی۔
