95 ویں اکیڈمی ایوارڈز (آسکر ایوارڈز) کے فاتحین کا اعلان کر دیا گیا ہے۔
سن دو ہزار تئیس کے آسکرز تقریب گزشتہ روز اتوار کو امریکی شہر لاس اینجلس میں ہوئی جس میں فلمی ستاروں نے شرکت کی اور95 ویں آسکر ایوارڈز جیتنے والوں کا اعلان کیا گیا۔ تقریب کی میزبانی مزاحیہ اداکار جمی کامل، بالی ووڈ اداکارہ دپیکا پڈوکون اور پاکستانی نژاد برطانوی اداکار رض احمد نے کی۔
تقریب میں کئی بڑے فلمی ستاروں اور فلموں کو آسکر ایوارڈز دیے گئے۔
بہترین تصویر کا ایوارڈ سائنس فکشن فلم ’ایوریتھنگ ایوری ویئر آل ایٹ ونس‘ (Everything Everywhere All at Once)کو دیا گیا، اس فلم میں اداکاری کے جوہر دیکھانے والی ملائشیا کی اداکارہ مشیل یوہ ایوریتھنگ کو بھی بہترین اداکارہ کا ایوارڈ دیا گیا ہے۔
مشیل یوہ ایوریتھنگ اسکر ایوارڈ جیتنے والی پہلی ایشیائی خاتون اداکارہ بن گئی ہیں۔
بہترین بین الاقوامی فیچر فلم کا آسکرایوارڈ آل کوائیٹ آن دی ویسٹرن فرنٹ (All Quiet on the Western Front) کو دیا گیا جس میں پہلی جنگِ عظیم کے دوران میں پیش آنے والے واقعات و تنازعات کو کہانی کی صورت میں دیکھایا گیا ہے۔
اس فلم نے 4 ایوارڈز اپنے نام کیے، بہترین عکس بندی، بہترین بین الااقوامی فلم اور بہترین اوریجنل اسکور جیسے ایوارڈز اس فلم کو دیے گئے ہیں۔
بہترین دستاویزی فلم کا ایوارڈ امریکی ڈائریکٹر ڈینیل روہر کی فلم ناوالنی (Navalny) کے حصے میں آیا ہے۔ یہ فلم روس کی اپوزیشن لیڈر ناوالنی کو زہر دے کے مارنے سے متعلق واقعات کے گرد گھومتی ہے۔ اس فلم کی ہدایت کاری ڈینیئل روہر نے کی ہے۔ یہ دستاویزی فلم ٹی وی چینل BIOاور CNN نے مشترکہ طور پر بنائی ہے۔
مختصر دورانیے کی دستاویزی فلم کا ایوارڈ بھارتی دستاویزی فلم ’’دی الیفینٹ وشپیررز‘‘ The Elephant Whisperers کو دیا گیا ہے یہ اسکر ایوارڈ جیتنے والی بھارت کی مختصر دورانیے کی پہلی دستاویزی فلم ہے۔
تاہم ملالہ یوسف زئی کی مختصردورانیے کی دستاویزی فلم دی اسٹرینجر گیٹ Stranger Gate آسکرز ایوارڈ نہ جیت سکی۔
View this post on Instagram
بہترین گانے کا آسکر ایوارڈ بھارتی تیلگو فلم آر آر آر کے گانے ’ناٹو ناٹو‘ کو دیا گیا ہے۔
