پاکستان سپر لیگ (پی ایس ایل) کی فرنچائز پشاور زلمی کے کپتان بابر اعظم کی والدہ بھی میچ دیکھنے قذافی اسٹیڈیم پہنچ گئیں۔
میری والدہ پہلی مرتبہ گراونڈ آئیں تھیں وہ گھر میں بیٹھ کر ہی دیکھنے کو ترجیح دیتی ہیں۔ وہ خوش ہیں اور میں بھی خوش ہوں ۔ بابر اعظم pic.twitter.com/ULygN0Yisc
— ٰImran Siddique (@imransiddique89) February 26, 2024
لاہور کے قذافی اسٹیڈیم میں کھیلے گئے آج کے میچ میں پشاور زلمی نے سنسنی خیز مقابلے کے بعد اسلام آباد یونائیٹڈ کو شکست دیدی۔
پشاور زلمی کے کپتان بابر اعظم نے آج کے میچ میں شاندار اننگز کھیلتے ہوئے 111 رنز اسکور کیے اور ناقابل شکست رہے۔
انہوں نے آج کے میچ میں 2 چھکے اور 14 چوکے لگائے، اور 63 گیندوں پر ان کا اسکور 111 تک جا پہنچا۔
بابر اعظم نے گفتگو کے دوران کہاکہ ان کی والدہ گھر پر ہی میچ دیکھنے کو ترجیح دیتی ہیں، آج وہ پہلی مرتبہ اسٹیڈیم میں آئیں۔
سابق قومی کپتان کا کہنا تھا کہ میں اور میری والدہ دونوں خوش ہیں۔
واضح رہے کہ پاکستان سپر لیگ کے مقابلے جاری ہے، اس سے قبل 2022، اور 2023 میں لاہور قلندرز نے کامیابی حاصل کی تھی، تاہم اس بار لاہور قلندرز کی کارکردگی کچھ متاثر کن نہیں ہے۔
