پاکستانی ٹینس اسٹار اعصام الحق قریشی دبئی اوپن مینز ڈبل کے ابتدائی راؤنڈ میں ہی باہر ہوگئے

پاکستان کے نامور ٹینس اسٹار اعصام الحق قریشی کا دبئی اوپن ٹینس مینز ڈبلز مقابلوں کے ابتدائی راؤنڈ ہی میں سفر تمام ہوگیا، اعصام الحق قریشی اور ان کے تیونس کے جوڑی دار سکندر منصوری اے ٹی پی دبئی اوپن ٹینس ٹورنامنٹ مینز ڈبلز مقابلوں کے ابتدائی راؤنڈ میں ہی شکست کے بعد ایونٹ سے باہر ہوگئے۔

بھارتی کھلاڑی روہن بھوپنا اور ان کے آسٹریلوی جوڑی دار میتھیو ایبڈن پر مشتمل ایونٹ کی ٹاپ سیڈڈ جوڑی نے مینز ڈبلز مقابلوں کے پہلے راؤنڈ میں پاکستان کے اعصام الحق قریشی اور ان کے تیونس جوڑی دار سکندر منصوری کو شکست دے کر نہ صرف اے ٹی پی ایونٹ کا فاتحانہ آغاز کیا بلکہ کوارٹر فائنل راؤنڈ کے لیے بھی کوالیفائی کرلیا۔

اے ٹی پی دبئی اوپن ٹینس کے دلچسپ مقابلے دبئی، متحدہ عرب امارات کے مقام ایوی ایشن کلب ٹینس سینٹر میں شروع ہو چکے ہیں۔ بھارتی کھلاڑی روہن بھوپنا اور ان کے آسٹریلوی جوڑی دار میتھیو ایبڈن پر مشتمل ایونٹ کی ٹاپ سیڈڈ جوڑی نے سخت مقابلے کے بعد ٹائی بریک پر فتح حاصل کی۔

بھارتی اورآسٹریلوی کھلاڑی نے پاکستان کے نامور ٹینس اسٹار اعصام الحق قریشی اور ان کے تیونس جوڑی دار سکندر منصوری کو 6-7(4-7) اور 6-7(5-7) سے شکست دے کر کوارٹر فائنل کے لیے کوالیفائی کرلیا۔

واضح رہے اب فاتح جوڑی کا مقابلہ یوروگوئے کے حریف کھلاڑی ایریل بہار اور ان کے جمہوریہ چیک کے جوڑی دار ایڈم پاولاسیک سے ہوگا۔