پیٹ میں شدید درد کی شکایت پرنو بیاہی دلہن کوجناح اسپتال منتقل کیا گیا تو ایکسرے رپورٹ سے پتا چلا کہ 23 سالہ زویا کے پیٹ میں گولی ہے۔
شاہ لطیف ٹاؤن کے رہائشی عابد گھر میں اپنے لائسنس یافتہ پستول کو صاف کر رہے تھے کہ ان کی بیوی زویا نے مذاق میں گولی اپنے منہ میں رکھ لی جو بعد ازاں غیر ارادی طور پر حلق سے نیچے اتر گئی۔
جس کے بعد خاتون کی جانب سے پیٹ میں تکلیف کی شکایت پرانہیں جناح اسپتال منتقل کیا گیا جہاں ایکسرے کے بعد خاتون کے پیٹ میں گولی کی موجودگی کی تصدیق ہوئی۔
تھانہ شاہ لطیف ٹاؤن پولیس کے مطابق مریضہ زویا کی کچھ روز قبل ہی عابد نامی لڑکے سے شادی ہوئی تھی، جس کے اہل خانہ نے اس معاملے پر مقدمہ درج نہ کرنے کی درخواست کی ہے۔
پولیس نے ابتدائی کارروائی کے بعد واقعے کی تفصیلات سے افسران بالا کو آگاہ کردیا ہے۔
