وزارت مذہبی امور نے حج 2024 کے عازمین کے لیے سعودی ویزہ بائیو میٹرک رسید اور پاسپورٹ متعلقہ بینک میں جمع کرانے کی تاریخ میں 12 مارچ تک توسیع کر دی۔
وزارت کے ترجمان کے مطابق توسیع کا فیصلہ حج درخواست گزاروں کی پاسپورٹ کے حصول میں تاخیر سمیت بعض دیگر وجوہات کی بنا پر کیا گیا ہے۔
واضح رہے ملک میں پاسپورٹ دفاتر میں غیرمعمولی رش کی وجہ سے لوگوں کو بروقت پاسپورٹ نہیں مل رہے جس کی وجہ سے بیرون ممالک سفر کرنے والوں کو مشکلات کا سامنا کرنا پڑ رہا ہے۔