لیبیا کشتی حادثے کی تحقیقات میں بڑی پیشرفت سامنے آئی ہے، ایف آئی اے نے حادثے کے اہم ملزم کو گرفتار کر لیا۔
وفاقی تحقیقاتی ایجنسی (ایف آئی اے) کے مطابق ڈپٹی ڈائریکٹر ایف آئی اے گجرات سرکل کی زیرنگرانی ٹیم نے کارروائی کرتے ہوئے لیبیا کشتی حادثے میں ملوث مرکزی ملزم محمد سعید سنار کو گرفتار کر لیا۔
ملزم لیبیا کشتی ڈوبنے کی وجہ سے ہونے والی متعدد اموات میں انتہائی مطلوب تھا، ملزم 12 سے زائد مقدمات میں مطلوب تھا۔
ایف آئی اے کے مطابق لیبیا کشتی حادثے میں گجرات سے تعلق رکھنے والے15 افراد بھی جاں بحق ہوئے تھے۔ ان تمام افراد کو ملزم سعید الیاس ہی نے لیبیا بھجوایا تھا،ملزم سعید کے 2 بیٹے لیبیا میں مقیم ہیں اور وہ اپنے بیٹوں کے ذریعے لوگوں کو لیبیا سے اٹلی بھجواتا تھا۔
واضح رہے کہ فروری 2023 میں جنوبی اٹلی میں تارکین وطن کی کشتی ڈوبنے سے 59 افراد جاں بحق ہوگئے تھے، مرنے والوں میں 12 بچے بھی شامل تھے۔
ڈوبنے والی کشتی میں سوار افراد کا تعلق پاکستان، افغانستان، صومالیہ اور ایران سے تھا۔ کشتی حادثے کے بعد کچھ افراد کی لاشیں فوری نکال لی گئی تھیں، جبکہ متعدد افراد لاپتہ ہوگئے تھے۔
یہ بھی پڑھیں: اٹلی میں کشتی ڈوبنے سے 28پاکستانیوں سمیت 59 افراد جاں بحق
