عمران عباس پاکستانی ٹیلی ویژن اور فلم کے ایک مقبول اداکار ہیں جنہیں ان کی شاندار اداکاری کے باعث بہت پذیرائی ملتی ہے۔
مزید پڑھیں
وہ کئی ہٹ ڈرامہ سیریلز میں نظر آ چکے ہیں جن میں ’میری ذات ذرہ نشان‘، ’خدا اور محبت‘، ’کوئی چاند رکھ‘ ’تم کون پیا‘، ’محبت تم سے نفرت ہے‘، ’میرا نام یوسف ہے‘، ’تھورا سا حق‘ اور ’نور العین‘ شامل ہیں۔
عمران عباس پاکستانی مرد اداکار کی حیثیت سے سب سے زیادہ مقبول شخصیت ہیں جو اپنے دلکش اور متاثر کن انداز کی وجہ سے ایک مضبوط بین الاقوامی فالوونگ بھی رکھتے ہیں۔
وہ ’خدا اور محبت‘ میں اپنی بہترین اداکاری کے لیے بھی بیحد مشہور ہیں۔ یہ ڈرامہ ان کی بہترین اداکاری کی مہارت کی وجہ سے مقبول ہوا۔ مداحوں نے حال ہی میں ’تمہارے حسن کے نام‘ میں عمدہ اداکاری پر بھی انہیں بہت سراہا۔
عمران عباس ایک لاجواب گلوکار کے علاوہ ایک خوبصورت نعت خواں بھی ہیں۔ انہیں نعتیں پڑھنا بہت پسند ہے۔
اس سال بھی انہوں نے اپنی روح پرور آواز میں مشہور نعت کی ویڈیو انسٹا گرام پر پوسٹ کی ہے۔ یہ نعت مشہور پاکستانی نعت خواں ام حبیبہ نے پڑھی تھی۔
