سابق وزیر اعظم نوازشریف سے متعلق سنہ 2000 سے ایک جھوٹ تعاقب کر رہا ہے کہ ان کا سعودی عرب میں قائم الدانوب سپراسٹور میں حصہ ہے۔
سعودی عرب میں خلیجی چینل پر عبد اللہ المدیفر ہررمضان کو اللیوان کے نام سے شو کرتے ہیں، جس میں وہ سعودی معاشرے کی نمایاں شخصیات کا انٹرویو کرتے ہیں۔
مشہور سعودی برانڈ بن داؤد کے مالکوں میں سے ایک عبد الرزاق بن داؤد نے اپنے انٹرویو میں بتایا ہے کہ نواز شریف کا ان کے کاروبار میں حصہ دار بننا ایک ایسی افواہ ہے جو ان کا سنہ 1999 سے تعاقب کر رہی ہے۔
هل "نواز شريف" رئيس وزراء باكستان الأسبق، شريك غير مُعلن في أسواق الدانوب؟
عبدالرزاق بن داود يجيب..#بن_داود_في_ليوان_المديفر ⠀ pic.twitter.com/YZUAxQ4hWd
— الليوان (@almodifershow) March 16, 2024
مزید وضاحت کرتے ہوئے عبدالرزاق بن داؤد نے بتایا کہ بن داؤد گروپ نے سنہ 2000 میں الدانوب کو خریدا تھا۔ ’اس سے ایک روز قبل میاں نواز شریف اپنی فیملی کے ہمراہ جدہ میں واقع الدانوب اسٹور میں خریداری کے لیے آئے، جس کے اگلے روز ہماری ڈیل ہوئی، تو نہ جانے لوگوں نے کیسے انہیں الدانوب کے ساتھ منسلک کردیا۔‘
عبد الرزاق بن داؤد کے مطابق ان کے شریف فیملی سے کسی قسم کے تعلقات نہیں ہیں، بلکہ انہوں نے یہ بھی بتایا کہ عرب نیوز جریدے نے جب اس حوالے سے نواز شریف سے دریافت کیا تھا تو انہوں نے اسے ایک مذاق قرار دیا تھا۔