پاکستان سپر لیگ (پی ایس ایل) کے فائنل میچ میں اسلام آباد یونائیٹڈ کے آل راؤنڈر عماد وسیم ڈریسنگ روم میں سگریٹ پیتے ہوئے پائے گئے۔
پاکستان سپر لیگ (پی ایس ایل) کا فائنل کراچی کے نیشنل اسٹیڈیم میں ہو رہا ہے، جہاں ملتان سلطانز نے پہلے بیٹنگ کرتے ہوئے اسلام آباد یونائیٹڈ کو جیت کے لیے 160 رنز کا ہدف دیا ہے۔
ملتان سلطانز کی بیٹنگ کے دوران عماد وسیم سگریٹ کے کش سے محظوظ ہوتے رہے اور کیمرے کی آنکھ نے اس منظر کو محفوظ کر لیا۔
اسلام آباد یونائیٹڈ کے آل راؤنڈر عماد وسیم ملتان سلطانز کے خلاف فائنل میچ کے دوران ڈریسنگ روم میں سگریٹ پیتے ہوئے، کیمرے کی آنکھ نے پکڑ لیا۔۔۔😁😁😁#imadwasim #IslamabadUnited #PSLFinal pic.twitter.com/5MF8KCdHES
— Abid Malik (@iamabidmalik) March 18, 2024
اب سوشل میڈیا پر یہ ویڈیو گردش کر رہی ہے جہاں صارفین کی جانب سے دلچسپ تبصرے بھی کیے جا رہے ہیں۔
آج کے میچ میں ملتان سلطانز کے کپتان محمد رضوان نے ٹاس جیت کر پہلے بیٹنگ کا فیصلہ کیا۔
ملتان سلطانز کی ٹیم نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 159 رنز بنائے۔
اب اسلام آباد یونائیٹڈ کی 160 رنز کے ہدف کے تعاقب میں بیٹنگ جاری ہے۔
واضح رہے کہ اسلام آباد یونائیٹڈ اس سے قبل 2 بار پی ایس ایل کی ٹرافی اپنے نام کر چکی ہے، جبکہ ملتان سلطانز کی ٹیم ایک بار پی ایس ایل کی فاتح رہی۔
