پنجاب کی صوبائی کابینہ نے 4480 ارب روپے کے ضمنی بجٹ کی منظوری دے دی۔ چیف سیکریٹری اور سیکریٹری فنانس نے وزیرِ اعلیٰ پنجاب مریم نواز کو بجٹ دستاویز پیش کیں جس پر مریم نواز نے دستخط کر دیے۔
مریم نواز کو بجٹ دستاویز سرخ رنگ کے ایک ڈبے میں پیش کی گئیں جس پر سوشل میڈیا صارفین اس ڈبے کو جیولری باکس سے تشبیہ دے رہے ہیں اور تنقید کر رہے ہیں کہ جیولری باکس میں بجٹ کون پیش کرتا ہے۔
صحافی اسامہ غازی نے بجٹ دستاویزات والے باکس پر تبصرہ کرتے ہوئے لکھا کہ ن لیگ کو ایسے کام کے مشورے دیتا کون ہے؟ یہ حکومت چلا رہے ہیں یا انعام گھر ؟ جیولری باکس میں بجٹ والا آئیڈیا ہی نرالا ہے۔
ایسے کام کے مشورے دیتا کون ہے؟ حکومت چلا رہے ہیں یا انعام گھر ؟ جیولری باکس میں بجٹ والا آئیڈیا ہی نرالا ہے۔ pic.twitter.com/4mUWxbm9J9
— Muhammad Usama Ghazi (@ghaziusama) March 18, 2024
صحافی محمد عمیر لکھتے ہیں کہ اس کی کیا ضرورت تھی بجٹ ایسے جیولری باکس میں لانے کا آئیڈیا کس عظمیٰ بخاری کا تھا؟
اس کی کیا ضرورت تھی یعنی بجٹ ایسے جیولری باکس میں لانے کا آئیڈیا کس عظمی بخاری کا تھا؟ pic.twitter.com/OgPQnyaayp
— Muhammad Umair (@MohUmair87) March 18, 2024
ایک صارف نے مریم نواز کو آڑے ہاتھوں لیتے ہوئے کہا کہ ایسے شوق تو بادشاہوں کے ہوا کرتے تھے۔
بادشاہوں کے شوق ہوا کرتے تھے ایسے https://t.co/t7LkHB0cwQ
— Asim || محمود (@K9Aasim) March 18, 2024
ایک صارف نے لکھا کہ جب زندگی میں پہلی بار کوئی آفس ملا ہوتو ایسا ہی ہوتا ہے، ظالموں نے آفس آفس کھیلنے کے لیے وزرا اعلیٰ کا دفتر ہی دے دیا۔
https://Twitter.com/Uroojsayyami/status/1769712619680833881?s=20
صوبائی وزیراطلاعات عظمیٰ بخاری نے صحافی اسامہ غازی کی ٹوئٹ کے رد عمل میں کہا کہ کاش! کوئی ان کو مشورہ ہی دے دے کہ صحافت کیسے کرتے ہیں۔ انہوں نے اسامہ غازی کو آڑے ہاتھوں لیتے ہوئے کہا کہ ویسے تو ایسی ٹویٹ کرکے اپنی جہالت اور بے علمی کا ثبوت دیا ہے، بجٹ دستاویزات پیش کرنے کے لیے ہمیشہ سے یہی طریقہ چل رہا ہے لیکن بس کچھ بھی لکھ دو نہ پلے کچھ ہو، نہ حقائق کا پتا ہو، ایسے ہی ان لوگوں کو ٹائیگر صحافی نہیں کہتی۔
کاش کوئی انکو صحافت کیسے کرتے ہیں،کوئی اللہ کے واسطے مشورہ دے دے
ویسے تو ایسی ٹویٹ کرکے اپنی جہالت اور بے علمی کا ثبوت دیا ہے ہمیشہ سے یہی طریقہ چل رہا ہے،لیکن بس کچھ بھی لکھ دو نا پلے کچھ ہو،نا حقائق کا پتا ہو،ایسے ہی ان لوگوں کو ٹائیگر صحافی نہیں کہتی https://t.co/dTIOaG3Nyj— Azma Zahid Bokhari (@AzmaBokhariPMLN) March 18, 2024
رابعہ چوہدری نے کہا کہ غریب بھوک سے مر رہا ہے۔ متوسط طبقہ مہنگائی، ٹیکسوں اور بے روزگاری کی وجہ سے پسا ہوا ہے لیکن ذرا بجٹ پیپرز کے شاہانہ انتظامات پر نظر ڈالیں۔ زیورات کا ڈبہ اور دفتر میں ہر چیز کی شاندار ترتیب آپ کو بادشاہی کی تصویر دے رہی ہے۔
Poor is dying from hunger. Middle class is crushed due to high inflation, taxes & unemployment but just look at the lavish arrangements of Budget Papers. The jewelry box & the exuberant setting of everything in office is giving you a pic of kingdom who is unaware of it's populace https://t.co/IsmMAQPduX
— Rabbiya Chaudhary🇵🇸 (@RomeoCharlie29) March 18, 2024
جہاں بعض صارفین مریم نواز پر تنقید کر رہے ہیں وہیں بعض ایسے بھی ہیں جن کا کہنا ہے کہ ایک سرکاری روایت ہے جس کا طریقہ ایسے ہی رائج ہے، یہ جیولری باکس نہیں ہے، قیمتی دستاویز اور اہم کاغذات بھی سرکاری طور پر ایسے ہی باکس میں دیے جاتے ہیں۔
واضح رہے کہ پنجاب کی صوبائی کابینہ نے 4480 ارب روپے کے ضمنی بجٹ کی منظوری دے دی۔ ترقیاتی بجٹ 655 ارب روپے اور سماجی تحفظ سے متعلق اقدامات کا بجٹ 20 ارب روپے مختص کیا گیا ہے۔ صحت کے لیے 473.6 ارب روپے اور تعلیم کے لیے 596 ارب روپے مختص کیے گئے ہیں۔ صوبائی کابینہ نے پنجاب سیلز ٹیکس سروس ایکٹ میں ترامیم کی منظوری بھی دی۔