سوشل میڈیا پر پاکستانی ڈرامہ انڈسٹری کی اُبھرتی ہوئی اداکارہ عینا خان جنہوں نے ڈرامہ ’فیری ٹیل‘ سے شہرت حاصل کی، کی ایک تصویر سوشل میڈیا پر گردش کر رہی ہے جس میں ان کا موازنہ نامور اداکارہ ثناء جاوید سے کیا جا رہا ہے کہ عینا خان ہو بہو اداکارہ ثنا جاوید جیسی نظر آ رہی ہیں۔
View this post on Instagram
صارفین دونوں اداکاروں کا موازنہ کر رہے ہیں کہ کون زیادہ خوبصورت ہے۔ جبکہ چند صارفین ایسے ہیں جن کا کہنا ہے کہ عینا خان کا سائیڈ پوز اداکارہ سبینہ فاروق سے ملتا جلتا ہے۔
ایک صارف کا کہنا تھا کہ کردار اپنی جگہ لیکن ثنا جاوید خوبصورت جبکہ اداکارہ عینا خان معصوم ہیں، کئی صارفین نے گزارش کی کہ ثنا جاوید سے نفرت نہ کریں۔
عینا خان کی ایک مداح نے کہا کہ موازنہ کرنے سے پہلے سوچ لیا کریں کیونکہ عینا خان اداکارہ ثنا جاوید کے مقابلے میں زیادہ خوبصورت ہیں۔
جیو انٹرٹینمنٹ کے ڈرامہ سیریل ’خانی‘ سے شہرت حاصل کرنے والی اداکارہ ثناء جاوید کا شمار پاکستان کی سرِ فہرست کی اداکاراؤں میں ہوتا ہے جبکہ اداکارہ عینا خان نے ابھی اس انڈسٹری میں گنتی کے چند ڈرامے ہی کیے ہیں۔ عینا خان آخری بار ڈرامہ سیریل ’فیری ٹیل‘ میں نظر آئی تھیں جبکہ اُن کا آج کل آن ایئر ڈرامہ سیریل ’دل پر دستک‘ ہے جس سے ان کو بے پناہ شہرت ملی ہے۔
