امریکی فوڈ کمپنی میکڈونلڈز نے سری لنکا میں اپنے پارٹنر کے ساتھ معاہدہ ختم کرتے ہوئے تمام 12 دکانیں بند کر دی ہیں۔
میکڈونلڈز کے وکیل سنتھ وجیوردانے کے مطابق کمپنی نے سری لنکا میں اپنا کاروبار وقتی طور پر ختم کرنے کا فیصلہ کیا ہے، تاہم کمپنی ایک نئی فرنچائز کے ساتھ واپس آنے کا فیصلہ کر سکتی ہے۔’
سنتھ وجیور دانے کے مطابق یہ معاہدہ گزشتہ ہفتے بدھ کو منسوخ کیا گیا تھا لیکن فرنچائزز چند دنوں تک چلتی رہیں۔
سنتھ وجیوردانے کمپنی کی جانب سے سری لنکا میں سے دکانیں ختم کرنے کی کوئی وجہ نہیں بتائی۔
مزید پڑھیں
سری لنکا میں میکڈونلڈز کے مقامی پارٹنر ابانس کے ترجمان نے اس پر تبصرہ کرنے سے انکار کردیا ہے تاہم میڈیا رپورٹس کے مطابق میک ڈونلڈز ناقص حفظان صحت کے الزامات پر ابانس کے خلاف عدالت گئی تھی۔
ابانس کی ویب سائٹ پر دی گئی معلومات کے مطابق کہ اس نے پہلی بار 1998 میں میک ڈونلڈز کے ساتھ شراکت کی تھی جو اب ختم ہوگئی ہے۔
یہاں یہ بات بھی قابل ذکر ہے کہ غزہ میں اسرائیل حماس کی حالیہ جنگ کے بعد دنیا بھر کے مسلم ممالک میں بھی میکڈونلڈز کا بائیکاٹ جاری ہے۔
خاص طور پر جنوبی ایشائی ملکوں میں میکڈونلڈز اور دیگر اسرائیلی حمایت یافتہ برانڈز کا بائیکاٹ جاری ہے جس سے جنوب مشرقی ایشیا میں ان کے کاروبار کو غیر معمولی نقصان پہنچا رہا ہے۔
