علی گل ملاح ایک سندھی فنکار ہیں جو 30 سال سے کام کر رہے ہیں اور عشق مرشد میں کامیاب ہونے کے بعد وہ سب کی آنکھوں کا تارا بن گئے ہیں۔
مزید پڑھیں
آخرکار انہیں وہ پہچان مل گئی جس کے وہ حقدار تھے اور اب وہ ایک نیشنل آئیکون بن گئے ہیں۔
ان کے کردار بھولے نے انہیں ایک سپر اسٹار بنا دیا۔ وہ ٹی وی پروگرام ’مذاق رات‘ میں بطور مہمان مدعو کیے گئے تھے۔
علی گل ملاح نے اپنی زندگی میں مالی مجبوریوں کے سامنے کا تذکرہ کیا اور بتایا کہ کس طرح یتیم ہونے سے ان کے دکھوں اور مسائل میں اضافہ ہوا۔
انہوں نے بتایا کہ ان کی والدہ کا انتقال اس وقت ہوا جب وہ کم عمر تھے اور ان کی صرف ایک اور بہن تھیں۔
ان کا کہنا تھا کہ والدہ کے انتقال کے بعد ان کے والد نے دوسری شادی کر لی لیکن جب کسی کی ماں چلی جاتی ہے تو وہ دنیا میں یتیم جیسا ہی ہوجاتا ہے۔
علی گل ملاح نے یہ بھی بتایا کہ کس طرح ان کی کامیابی کے بعد ہر کسی کے رویے میں تبدیلی آچکی ہے۔
انہوں نے کہا کہ جو لوگ ان پر تنقید کرتے تھے اور ان کا مذاق اڑاتے تھے کہ کیا آپ شاہ رخ خان بننے کی کوشش کر رہے ہیں ان کا رویہ اب بڑا دوستانہ ہوگیا ہے اور وہ ان کے کام کی تعریف کرتے ہیں۔
علی گل ملاح کے بیٹے علی جان بھی اپنے والد کے ساتھ شو میں آئے اور انہوں نے بتایا کہ وہ اپنے والد کی کامیابی پر بہت خوش ہیں اور انہیں بہت فخر ہے لیکن اپنے والد کی کامیابی پر وہ لوگ پہلے جیسے ہی ہیں کسی تکبر کا شکار نہیں ہوئے۔
