پاکستان ملٹری اکیڈمی (پی ایم اے) کاکول، ایبٹ آباد میں قومی کرکٹ ٹیم کے فٹنس کیمپ کا آغاز ہو گیا ہے، پاکستان کرکٹ بورڈ (پی سی بی) کے مطابق کاکول اکیڈمی میں شروع ہونے والے قومی ٹیم کے فٹنس کیمپ کے لیے 26 کھلاڑیوں نے گزشتہ روز رپورٹ کیا۔ جہاں پہلے دن قومی کھلاڑیوں کی ابتدائی فزیکل اسسٹنٹ کی گئی۔ فٹنس کیمپ میں شامل کھلاڑیوں کی چند تصاویر سوشل میڈیا پر وائرل ہو گئیں جس میں کھلاڑیوں کو خوشگوار موڈ میں دیکھا جا سکتا ہے۔
پاکستان کرکٹ بورڈ (پی سی بی) نے سماجی رابطوں کی سائیٹ ایکس پر کھلاڑیوں کی تصاویر شیئر کیں اور ساتھ لکھا کہ کاکول، ایبٹ آباد میں فٹنس کیمپ کے لیے کھلاڑی جمع ہیں۔
Players assemble for the fitness camp at Kakul, Abbottabad 🏏✅#PAKvNZ | #BackTheBoysInGreen pic.twitter.com/cyqyUlpyp2
— Pakistan Cricket (@TheRealPCB) March 26, 2024
پاکستان کرکٹ ٹیم کے فاسٹ بولر عباس آفریدی نے سوشل میڈیا پلیٹ فارم انسٹاگرام پر ایک تصویر شیئر کی جس میں ان کو دیگر کھلاڑیوں (محمد وسیم اور محمد حارث) کے ساتھ سائیکل چلاتے دیکھا جا سکتا ہے ۔ اس پر صارفین کی جانب سے مختلف تبصرے کیے جا رہے ہیں۔ کسی نے کھلاڑیوں کے لیے نیک تمناؤں کا اظہار کیا تو کسی نے تنقید کی کہ یہاں ٹریننگ کم اور کھلاڑیوں کی موج مستی زیادہ ہو رہی ہے۔
View this post on Instagram
واضح رہے کہ بابر اعظم، افتخار احمد اور نسیم شاہ عمرے کی ادائیگی کے باعث پہلے دن کیمپ کا حصہ نہیں بن پائے، تینوں کھلاڑی آج کیمپ جوائن کریں گے۔
خیال رہے کہ پی سی بی نے نیوزی لینڈ کے خلاف ٹی ٹوئنٹی سیریز سے قبل قومی ٹیم کے لیے فٹنس کیمپ کا اہتمام کیا ہے جو 8 اپریل تک جاری رہے گا۔ اس کیمپ کے دوران کھلاڑیوں کی فٹنس پر کام کیا جائے گا جس سے آنے والے مقابلوں کے لیے کھلاڑیوں کو ذہنی اور جسمانی طور پر مضبوط کیا جائے گا۔
