بابر اعظم کو ایک بار پھر قومی ٹیم کا کپتان بنا دیا گیا ہے، پاکستان کرکٹ بورڈ (پی سی بی) کے اس فیصلے سے کچھ لوگ خوش اور کچھ بالکل ناخوش دکھائی دے رہے ہیں۔ کرکٹ تجزیہ کاروں میں کچھ لوگ اس کو بہترین اور کچھ لوگ غلط فیصلہ قرار دے رہے ہیں۔
سوشل میڈیا سائٹ ایکس پر بابر اعظم کے نام کا ٹرینڈ چل رہا ہے، جس میں بہت سارے کرکٹ شائقین، سابق کھلاڑی، اسپورٹس جرنلسٹ اور تجزیہ کاروں نے اپنی اپنی رائے کا اظہار کر رکھا ہے۔ تاہم بابر اعظم کے چاہنے والوں نے ان کے حق میں بہت ساری ویڈیوز اور ریکارڈز ٹرینڈ میں شیئر کررکھے ہیں۔
اس دوران مشہور اسپورٹس جرنلسٹ شعیب جٹ نے سوشل میڈیا سائٹ ایکس پر پوسٹ کرتے ہوئے پی سی بی کو تنقید کا نشانہ بنایا اور بابر اعظم کو کپتان بنانے کے فیصلے کو غلط قرار دیا۔ جس پر کچھ صارفین نے تائید کی جبکہ زیادہ نے شعیب جٹ کو تنقید کا نشانہ بنایا۔
پہلی تصویر آج ریلیز کی گئی بتایا گیا کہ بابر اعظم کو کپتان بنادیا گیا تاثر دیا گیا کہ اس ملاقات کے بعد اعلان ہوا
دوسری تصویر 2 دن پہلے اسی کمرے میں ہونیوالی سلیکشن کمیٹی کی میٹنگ کی ہے
بابر تو کاکول میں ہے یعنی سلیکشن میٹنگ سے پہلے سب طے تھا پھر منانا اعلان کرنا صرف رسمی کارروائی pic.twitter.com/OaB3Nhu7IJ— Shoaib Jatt (@Shoaib_Jatt) March 31, 2024
انہوں نے لکھا کہ ایک طرف اتنے سارے ایونٹس میں فیل ہونے والے کپتان کو دوبارہ کپتان بنا دیا گیا ہے جبکہ دوسری طرف صرف ایک سیریز میں فیل ہونے والے کپتان کو ہٹا دیا گیا ہے۔
اسی طرح پرانے صحافی و تجزیہ کار مرزا اقبال بیگ نے اپنے ایکس پر پوسٹ کرتے ہوئے لکھا کہ میں اپنے سننے والوں کو ایک مہینہ پہلے ہی بتا چکا تھا کہ بابر اعظم دوبارہ کپتان بننے والے ہیں۔
Shan Masood is going to keep his place as Pakistan’s Test captain, the next test assignment is home series vs Bangladesh #Cricket
— Mirza Iqbal Baig (@mirzaiqbal80) March 31, 2024
انہوں نے لکھا کہ بابر اعظم وائٹ بال کپتان بن گئے ہیں جبکہ شان مسعود اپنی جگہ ٹیسٹ کے کپتان برقرار رہیں گے، ان کی جگہ کو کوئی خطرہ نہیں ہے۔
When Babar was removed from Captaincy Wahab Riaz was the Chief Selector now when he is reinstated Wahab is the powerful Selector #BabarAzam
— Mirza Iqbal Baig (@mirzaiqbal80) March 31, 2024
’جب بابر کو کپتانی سے ہٹایا گیا تو وہاب ریاض چیف سلیکٹر تھے اب جب انہیں بحال کیا گیا تو وہاب طاقتور سلیکٹر ہیں‘۔
PCB reappoints #BabarAzam𓃵 as Pakistan’s captain in white-ball cricket.
Congrats @babarazam258 !
Btw! How good he was at number 3 with and without the pressure of captaincy?— Ajmal Jami (@ajmaljami) March 31, 2024
اجمل جامی نے لکھا کہ پی سی بی نے بابراعظم کو دوبارہ وائٹ بال کرکٹ میں پاکستان کا کپتان مقرر کر دیا۔ مبارک ہو بابر اعظم
انہوں نے صارفین کے لیے ایک سوال بھی چھوڑا کہ بابر کپتانی کے دباؤ کے ساتھ اور اس کے بغیر نمبر 3 پر کھیلتا ہوا کتنا اچھا تھا؟
واضح رہے بابر اعظم آئندہ ہونے والے ٹی20 ورلڈ کپ میں پاکستان ٹیم کی قیادت کریں گے اور یہ ان کا ایک منفرد اعزاز ہوگا کہ پاکستان کی جانب سے کوئی کپتان تیسری بار مسلسل ٹی20 ورلڈ کپ ایڈیشن کی قیادت کرے گا۔