ناقص کارکردگی کا مظاہرہ کرنے پر اسلام آباد کے 7 تھانوں کے ایس ایچ اوز معطل کردیے گئے۔
مزید پڑھیں
ترجمان اسلام آباد پولیس کے مطابق معطل ہونے والوں میں تھانہ مارگلہ، رمنا، سنگجانی، نیلور، کورال،لوہی بھیر اور ہمک کے ایس ایچ اوز شامل ہیں۔
ایس ایچ او آئی 9 اور کراچی کمپنی کو اچھی کارکردگی پر انعامات دیے گئے۔
باقی تمام ایس ایچ او کو کارکردگی بہتر بنانے کے لیے 4 دنوں کا وقت دیا گیا ہے۔
ڈی آئی جی آپریشنز اسلام آباد سید شہزاد ندیم بخاری نے اجلاس سے خطاب کرتے ہوئے کہا کہ جس کی کارکردگی بہتر ہوگی وہی ہماری ٹیم کا حصہ رہے گا۔
انہوں نے کہا کہ تمام نفری تھانے میں موجود رہے گی جس کو کام ہوگا متعلقہ ڈی پی او کی اجازت سے جائے گا۔
ڈی آئی جی نے ہدایت دی کہ اشتہاریوں کے خلاف کریک ڈاؤن تیز کریں اور افسران متعلقہ تھانوں کے ناکہ جات پر کنٹرول مضبوط بنائیں۔
انہوں نے وارننگ دی کہ کرپشن اور غیراخلاقی رویہ ہرگز برداشت نہیں کیا جائے گا۔
سید شہزاد ندیم بخاری نے کہا کہ آئندہ میرٹ پر اور اچھی کارکردگی دکھانے والے ہی ایس ایچ اوز لگ سکیں گے۔
