پاکستان کرکٹ بورڈ (پی سی بی) نے وائٹ بال فارمیٹ کے لیے بابر اعظم کو دوبارہ قومی ٹیم کا کپتان مقرر کیا اور بابر اعظم کو کپتان بنانے اور شاہین شاہ آفریدی کو کپتانی سے ہٹانے کے حوالے سے اعلامیہ بھی جاری کیا جس میں کہا گیا کہ شاہین آفریدی نے خود کو ایک اسٹار فاسٹ بولر ثابت کیا، پی سی بی نے بہترین کارکردگی کو برقرار رکھنے کے لیے روٹیشن اور آرام کی اہمیت کو سمجھتے ہوئے شاہین کو کپتانی سے ہٹایا۔
اعلامیے کے مطابق شاہین آفریدی کو ہٹانے کا فیصلہ کھلاڑیوں کے طویل کیریئر اور خاص کر فاسٹ بولرز کو انجریز سے بچانے کے ضمن میں کیا گیا۔ اس فیصلے پر مختلف آرا سامنے آئیں۔ اس پر شاہین شاہ آفریدی کے سسر شاہد آفریدی کا بیان بھی سامنے آیا جس میں ان کا کہنا تھا’ مجھے سلیکشن کمیٹی میں شامل نہایت تجربہ کار کھلاڑیوں کے فیصلے سے حیرانی ہوئی، میرا ماننا ہے کہ اگر تبدیلی ضروری ہی تھی تو محمد رضوان ایک بہتر انتخاب تھے‘۔
کپتانی سے ہٹائے جانے کے فیصلے کے بعد شاہین آفریدی نے سماجی رابطوں کی سائیٹ ایکس پر پوسٹ کرتے ہوئے لکھا کہ Unstoppable، اس پوسٹ کے بعد صارفین کی جانب سے مختلف رد عمل سامنے آ رہے ہیں۔
Unstoppable! ☀️ pic.twitter.com/A5EOZtqnM5
— Shaheen Shah Afridi (@iShaheenAfridi) April 1, 2024
علی ریحان نے شاہین آفریدی کو تنقید کا نشانہ بناتے ہوئے لکھا کہ خواب سے بیدار ہو جائیں، جب سے آپ کی شادی ہوئی ہے آپ کی پرفارمنس میں کمی آئی ہے اور آپ مجھے سپیڈ بریکر کی یاد دلاتے ہیں۔
Wake up to the reality
Ever since you got married you are pretty much stoppable. You remind me of a speed breaker. https://t.co/65CvlAQzTE— Ali Rehan (@junaidalirehan2) April 1, 2024
ایک صارف نے سابق وزیراعظم عمران خان کی تصویر پر شاہین آفریدی کا چہرہ لگا کر لکھا کہ کپتانی سے ہٹ کر اور خطرناک ہو جاؤں گا۔
“ Captaincy sy hat kar or khatarnaak hojaonga ” https://t.co/wcJqZvnb20 pic.twitter.com/GFmq0c8swo
— AbD (@delulu_solulu_) April 1, 2024
بخت شیر نامی صارف لکھتے ہیں کہ اپنی باؤلنگ پر توجہ دیں۔ خود کو بلے باز نہ سمجھیں اور شاہد آفریدی کی نصیحتوں پر عمل نہ کریں۔
Focus on your bowling. Don't consider yourself a batsman. Don't listen to what @SAfridiOfficial advises you. https://t.co/VLBtDzdpnS
— Bakht Sher (@Bakhtmmd) April 1, 2024
ایک ایکس صارف نے شاہین شاہ آفریدی کی پوسٹ پر تبصرہ کرتے ہوئے لکھا کہ بابر اعظم کو تو کپتان بنانے سے روک نہیں پائے آپ۔
Babar Azam ko kaptaan bannae sy to rok nahin paaye Shaheen bhai aap? https://t.co/MmCbFTygEi
— Javedd (@iamthejaved) April 2, 2024
یاد رہے کہ گزشتہ ورلڈ کپ میں قومی ٹیم کی ناقص پرفارمنس کے بعد بابر اعظم نے 15 نومبر کو تینوں فارمیٹس کی قیادت سے استعفیٰ دے دیا تھا۔ اس کے بعد شاہین شاہ آفریدی کو ٹی20 جبکہ شان مسعود کو ٹیسٹ ٹیم کا کپتان مقرر کیا گیا تھا۔
شاہین کی زیر قیادت قومی ٹیم نے نیوزی لینڈ میں ہونے والی ایک ہی سیریز میں شرکت کی تھی اور ٹیم کو 1-4 کی بدترین شکست کا سامنا کرنا پڑا تھا۔
بعد ازاں پاکستان سپر لیگ (پی ایس ایل) میں بھی ان کی ٹیم لاہور قلندرز ناقص کارکردگی کی وجہ سے پہلے ہی راؤنڈ میں باہر ہو گئی۔ اسی دوران شاہین کو قیادت سے ہٹانے کی بازگشت شروع ہو گئی تھی اور اب ایک بار پھر بابر اعظم کو قیادت سونپ دی گئی ہے۔
اس سے پہلے 2019 میں بابر اعظم کو پہلی بار ٹی ٹوئنٹی کا کپتان بنایا گیا پھر 2020 میں وہ ون ڈے اور ٹیسٹ فارمیٹ کے کپتان بنے۔
