شوبز انڈسٹری کی معروف اداکارہ سنبل اقبال کا کہنا ہے کہ انہیں شادی کے لیے اچھے ہمسفر کی تلاش ہے۔
حال ہی میں اداکارہ سنبل اقبال نجی ٹی وی کی رمضان ٹرانسمیشن میں شریک ہوئیں جہاں انہوں نے اپنی شادی سے متعلق کھل کر بات کی۔
شو میں میزبان اداکار اعجاز خان نے سنبل اقبال سے سوال کیا کہ آپ کیسے لڑکے سے شادی کرنا چاہتی ہیں؟ جس پر اداکارہ کا کہنا تھا کہ میں شادی کرنا چاہتی ہوں اور شادی کے لیے ایک اچھے انسان کی ضرورت ہوتی ہے اور کسی سے شادی کرنے کے لیے پہلی چیز یہ ہونی چاہیے کہ وہ آپ کا اچھا دوست ہو۔
ان کا مزید کہنا تھا کہ شادی کے لیے دو لوگوں کو دماغی طور مضبوط ہونا چاہیے کیونکہ دونوں کو پوری زندگی گزارنا ہوتی ہے اس لیے دونوں کے خیالات ایک دوسرے کے ساتھ میچ ہونے چاہیئں جس کے بعد فیصلہ کرنا چاہیے کہ ہاں یہ میرے لیے اور میں اس کے لیے بہتر ہوں اور ہم ساتھ چل سکتے ہیں۔
