وفاقی حکومت نے پیٹرولیم مصنوعات کی قیمتوں میں اضافے کا اعلان کردیا۔
وفاقی وزارت خزانہ سے جاری نوٹیفکیشن کے مطابق حکومت نے پیٹرول کی فی لیٹر قیمت میں 4 روپے 53 پیسے اضافہ کیا ہے جبکہ ڈیزل 8 روپے 14 پیسے مہنگا کیا گیا ہے۔
New Petroleum Prices from 16th April, 2024. pic.twitter.com/Mjvhd6MJZi
— Ministry of Finance, Government of Pakistan (@Financegovpk) April 15, 2024
نئے نوٹیفکیشن کے مطابق پیٹرول کی قیمت 293 روپے 94 پیسے ہوگئی ہے جبکہ ڈیزل 290 روپے 38 پیسے میں دستیاب ہوگا۔
وزارت خزانہ کے مطابق نئی قیمتوں کا اطلاق رات 12 بجے سے ہوگا۔
وزارت خزانہ کا کہنا ہے کہ عالمی مارکیٹ میں تیل کی قیمتوں میں اضافے کے بعد پیٹرول اور ڈیزل کی قیمتیں بڑھائی گئی ہیں۔
واضح رہے کہ اس سے قبل 31 مارچ کو حکومت نے پیٹرول کی قیمت میں 9 روپے 66 پیسے کا اضافہ جبکہ ڈیزل کی قیمت میں 3 روپے 32 پیسے کمی کی تھی۔
