بھارت کے مقبول کامیڈین کپل شرما نے اپنی پہلی تنخواہ کے حوالے سے دلچسپ انکشاف کیا ہے۔
بھارتی میڈیا کے مطابق کپل شرما نے اپنے ایک انٹرویو میں انکشاف کیا ہے کہ انہوں نے اپنی پہلی نوکری صرف 14 برس کی عمر میں آبائی شہر امرتسر میں کی۔
ان کا کہنا تھا کہ انہوں نے اپنا جیب خرچ نکالنے کے لیے پہلی بار ایک پی سی او میں کام کیا اور اس وقت ان کی تنخواہ محض 500 بھارتی روپے ماہانہ تھی۔
کپل شرما نے کہا کہ انہیں دوسری نوکری ایک گارمنٹ فیکٹری میں ملی جہاں وہ ماہانہ 900 روپے لیا کرتے تھے۔
انہوں نے بتایا کہ وہ اپنے ذاتی اخرجات خود ہی پورا کیا کرتے تھے کیوں کہ گھر والوں سے پیسے مانگنے پر انہیں شرم آتی تھی۔
کپل شرما کا کہنا تھا کہ بے شک وہ ایک سٹار بن چکے ہیں لیکن وہ آج بھی خود کو ایک مڈل کلاس ہی سمجھتے ہیں۔
