'یہ جاہل پڑھے لکھے بھی نہیں اور کوشش بھی نہیں کرتے'، سوشل میڈیا صارفین نے حنا پرویز بٹ کو آڑے ہاتھوں لے لیا

پاکستان مسلم لیگ ن کی رکن پنجاب اسمبلی حنا پرویز بٹ کو اکثر سوشل میڈیا صارفین کی جانب سے تنقید کا سامنا رہتا ہے۔ حالیہ دنوں وہ اپنے دورہ چائنا کی وجہ سے تنقید کا شکار رہیں لیکن آج ان کی سوشل میڈیا پر ایک پوسٹ وائرل ہو رہی ہے جس میں انہوں نے نجی ٹی وی کا ایک اسکرین شاٹ شیئر کیا جس کے مطابق وزیر اعلیٰ بلوچستان سرفراز بگٹی نے بلوچستان میں ایئر ایمبولینس سروس شروع کرنے کا اعلان کیا جبکہ حنا پرویز بٹ نے اپنی پوسٹ کے ساتھ کیپشن میں لکھا کہ ‘ صرف کے پی کے نہیں سندھ حکومت بھی مریم نواز صاحبہ کو فالو کر رہی ہے’۔

یہ پوسٹ جیسے ہی شیئر ہوئی سوشل میڈیا صارفین نے حنا پرویز بٹ کو آڑے ہاتھوں لے لیا اور اپنی پوسٹس میں انکو ٹرول کرنے لگ گئے۔

حنا پرویز بٹ کی پوسٹ پر سید حذیفہ بٹ نے تبصرہ کرتے ہوئے کہا کہ ‘‏‎آپ کیلیے عمران خان نے کہا تھا کہ یہ جاہل پڑھے لکھے بھی نہیں ہیں اور پڑھتے بھی نہیں ہیں، صاف لکھا ہوا ہے کہ بلوچستان حکومت اور محترمہ کہہ رہی ہے سندھ حکومت

آپ کیلئے عمران خان نے کہا تھا کہ یہ جاہل پڑھے لکھے بھی نہیں ہیں اور پڑھتے بھی نہیں ہیں ، صاف لکھا ہوا ہے کہ بلوچستان حکومت اور محترمہ کہہ رہی ہے سندھ حکومت 🥲😝

— Syed Huzaifa Ahmad (@SyedHuzaifaAhm6) April 22, 2024