پاکستانی اداکار منیب بٹ بھی متحدہ عرب امارات کا گولڈن ویزا حاصل کرنے والے پاکستانی فنکاروں کی فہرست میں شامل ہوگئے۔
ڈرامہ ‘یہ نہ تھی ہماری قسمت‘ میں اپنی بہترین اداکاری کے جوہر دکھانے والے اداکار منیب بٹ نے گولڈن ویزا ملنے کی خوشخبری اپنے سوشل میڈیا اکاؤنٹس پر جاری کیے گیے ایک پوسٹ کے ذریعے دی۔مذکورہ پوسٹ میں شامل تصویر میں اداکار سیاہ شرٹ اور پینٹس میں ملبوس ہوکر متحدہ عرب امارات کے حکام کے ہمراہ کھڑے ہیں اور ان سے گولڈن ویزا لے رہے ہیں۔
View this post on Instagram
منیب بٹ نے گولڈن ویزا ملنے کی خبر مداحوں کو دیتے ہوئے پوسٹ کے کیپشن میں لکھا کہ ‘ یادگار وکیشنز سے پروڈکٹِو ورک ٹرپس تک، دبئی میرے دل میں ایک خاص مقام رکھتا ہے’۔منیب بٹ نے لکھا کہ ‘ پُرجوش انداز میں مجھے خوش آمدید کہنے اور انگنت فائدے مند مواقع فراہم کرنے کیلئے دبئی حکومت کا شکر گزار ہوں’۔
واضح رہے کہ اس سے قبل پاکستان کی دیگر معروف شخصیات کو یو اے ای کا گولڈن ویزا مل چکا ہے جن میں یشما گِل، کنزہ ہاشمی، ہمایوں سعید، مای اعلی، صبا قمر، علی ظفر، ثنا جاوید، عمیر جیسوال، شاداب خان، اعظم خان وغیرہ کے نام شامل ہیں۔
